ග්‍රීන් ලැන්ටර්න්ගේ ලව් පලහිලවුව විසදා ජීවිත තුනක් බේරාගන්න...

මේක කාටුන් එකක් ආශ්‍රිතව අහන බරපතල ගැටළුවක්...

ගැටළුව පමණක් ඉදිරිපත් කිරීම බලන අයට කරන අසාධාරණයක් නිසා කතාවත් දානවා..

කාටුන් බලලා තීනවද????

බලලා නැත්තං මේක කියවලා වැඩක් නෑ..

කාටුන් වල ගොඩක් කැමති සුපර් හීරෝස්ලා ඉන්න කාටුන් වලට. මංදා මමනං ඒමයි ඈ..

සුපර් හීරෝස්ලා ඉන්න කාටුන් බිහිවෙන්නේ ඔය කොමික් බුක්ස් නැත්තං චිත්‍රකතා පොත් හරහනේ. සුපර් හීරෝස්ලා ඉන්න කොමික් බුක්ස් පල කරන ප්‍රධාන සමාගම් දෙකයි..

• DC comics
• Marvelcomics

තව ඇති.. ඒත් අදාල නෑ...

මේකෙනුත් අපිට අදාල වෙන්නේ DC comics තමා.

සිරාම සිරා දැක්කම ඇඩෙන චරිත ගොඩක් මේගොල්ලෝ ගාව ඉන්නවා... 

ලෝක ප්‍රසිද්ධ සුපර් මෑන් අයිති මේගොල්ලංට තමා...

 

හරි කතාව කියමුකෝ... කතාව ලව් ස්ටෝරියක් වගේ  එකක්.. එහෙම කියන්න හේතුව කාටුන් සීරිස් එක බලලම දැනගන්නලා... බලන්න ආස අය මෙන්න මේ ටොරන්ට් සයිට් එකට ගිහිං බා ගන්ටලා...

සුපර් මෑන් එක කාලෙකදි ඉන්න හොරු මේච්චල් කර ගන්න බැරුව හදා ගන්නවා ලීග් එකක්. නම ජස්ටිස් ලීග්..

ඕක ඇති වෙන්නේ අහම්බෙං.. කතාව කෙටියෙං කියනවනං මේමයි වෙන්නේ..

සමුලුව අමතන සුපර් මෑන්...

සුපර් මෑන් එක්සත් ජාතීන්ගේ සංවිධානෙදි කියනවා ලෝක සාමය සදහා සම්මුතියකට එලබෙන්න කීලා.. ඒත් ඒ වෙනකොටත් පිටසක්වල ජීවීන් සෙට් එකක් පෘථුවිය තුල අන්ඩර් කවර් මිෂන් එකක් කර කර ඉන්නේ පෘථුවිය යටත් කර ගන්න බලාගෙන. මේක නොදන්න සුපර් මෑන් එක්සත් ජාතීන්ගේ රටවල් සියල්ල නිරායුධ කරන සම්මුතියක් ඇති කරගෙන ඔක්කොම අවි ටික විනාශ කරලා දානවා. වැඩේ කරා විතරයි අර පිටසක්වලයෝ ටික ගේම දෙන්න පටං ගන්නවා. මුං ගේම අදිනකොටම සුපර් මෑනුත් ෆයිට් කරනවා අම්බානක.. ඒත් තනි සුපර් මෑන් තනියම බම්බු ගහන්නයැ.. අම්බානක කනවා. මෙහෙම කකා ඉද්දි සුපර් හීරෝස්ලා එකා දෙන්නා ඇවිත් සුපර් මෑන්ට සප් එක දෙනවා.. 

බැට්මෑන්, ෆ්ලෑෂ්, වොන්ඩර් වුමන්, ග්‍රීන් ලැන්ටර්න්, හොව්ක් ගර්ල් යන අය තමා උදව් කරන්න එන්නේ. මේකෙදි අගහරු ජීවියෙක් වෙන මාර්ෂන් ද මෑන්හන්ටර් හෙවත් ජොන්ජෝන්ස් කියන හාදයත් එක්කහු වෙනවා මේගොල්ලො එක්ක.. ඒත් සෙට් වෙන විදිහ කියන්න ගියොත් අද කියන්න ආපු එක කියන්න වෙන්නෑ..

කෝමහරි ඒ පිටසක්වල ආක්‍රමණය මේ සෙට් එක ඉවරම කරලා දානවා.. අන්තිමේදි සුපර් මෑන් කියනවා මේක ඉවරයි කිවුවට ඉවරම නෑ.. උං ආයේ එන්න පුළුවං.. ආයේ එනකොට උංට සෙම්බුව දෙන්න අපි ලෑස්ති වෙලා ඉන්න ඕනා කියලා. ඉතිං මේක කරන්න තනි මට බෑ, අපි කට්ටිය සෙට් වෙලාම ටීම් එකක් විදිහට ගේම දෙමු කියලා.. ඔන්න ඕම සෙට් වෙලා තමා ජස්ටිස් ලීග් එක හැදෙන්නේ... (මේක පෘථුවියට විතරක් අදාල නෑ.. මොකද සමහර සාමාජිකයෝ පිටසක්වල ජීවීන්.. සුපර් මෑනුත් එහෙමනේ..)

මේ සෙට් එක ඉතිං විවිධ මෙහෙයුම් ඉතා සාර්ථකව කරගෙන දැහැමෙං සෙමෙං ලෝකය ආරක්ෂා කරං ආතල් එකේ ඉන්නවා.. මේ අතර මරු සීන් වෙනවා.. එකක් තමා ප්‍රශ්ණයට අදාල වෙන්නේ...

ලීග් එකේ ඉන්නවා කිවුවා නේ ග්‍රීන් ලැන්ටර්නුයි හොව්ක් ගර්ල් කියලා කෙනෙකුයි.. ග්‍රීන් ලැන්ටර්න්ගේ නම ජෝන් ස්ටුවර්ට්. හොව්ක් ගර්ල්ගෙ නම ශහීරා හෝල්.. මුං දෙන්නා ආලෙං වෙලිලා ඇබරිලා යනවා.. ගින්දරයි පුළුනුයි ලංකරොත් පිච්චෙනවනේ. ආයේ ඒක සුපර් හීරෝස්ලා කියලා වෙනස් වෙන්නෑ..

මේ ඉන්නේ ජෝඩුව...

ඉතිං ඔහොම ආලෙං වෙලිලා කෝලං කර කර ඉන්නකොට තමයි ෆැනගාර් කියන ග්‍රහලෝකෙං ආක්‍රමණයක් පෘථුවියට එල්ල වෙන්නේ. කලිං කිවුවේ නෑනේ.. 

ෆැනගාර් කියන්නේ හොව්ක් ගර්ල්ගේ නැත්තං ශහීරගේ මවු ග්‍රහයා. බැලිංනං ශහීරා කියන්නේ ෆැනගාර් හමුදාවේ සෙබලියක්. එයා ඇවිල්ලා තියෙන්නේ ඔත්තු බලන්න. ෆැනගාර් හමුදාව ආපු ගමං ශහීරා ඒගොල්ල එක්ක එකතු වෙනවා. ශහීරගේ ඒ ග්‍රහලෝකෙ පෙංවතා නැමැති පිංවතා තමයි මේ හමුදාව මෙහෙයවන්නේ..

ජෝන්ට අම්බ මලක් පයිනවා. ඇයි ඉතිං ශහීරා ජෝංව අන්දලා වගේ සීන් එකක්නේ වෙලා තීන්නේ. ඒත් ජෝං ඉවසං ඉන්නවා... (පවු නේ ජෝං??)

ටික ටික තමා මීටර් වෙන්නේ ෆැනගාර් වලිං මුං ඇවිල්ලා ඉන්නේ පෘථුවිය ආක්‍රමණය කරන්න නෙමේ විනාස කරන්න කියලා. හැබැයි මේක ශහීරා දන්නෑ.. එයා හිටියේ පෘථුවියෙනේ. මුලිංම ශහීරා ෆැනගාර්ලට පක්ෂපාතීව වැඩ කලත් ප්ලෑන් එක දැනගත්ත ගමං විරුද්ධ වෙනවා. කොහොම හරි ලීග් එකේ සෙට් එකයි ශහීරයි එකතු වෙලා ෆැනගාර්ලව පන්නලා දානවා ආයේ මේ හතර මායිමේ පස් පාගන්න එපා කියලා..

අහෝ දුකකි ඉරකි තිතකි. (වැරදුනාද මන්දා) මේ වෙනකොට ජෝංගේ හිත හොදටම පෑරිලා.. ජෝං සයිඩ් ගහලා ඉන්නවා. ආක්‍රමණය ඉවර වෙච්ච ගමං ශහීරට ලීග් එක අතහැරලා යන්න වෙනවා. ඇයි විස්වාසය කඩ කරනවනේ.. කොහොම හරි අන්තිමේදි වෙන්නේ ශහීරගෙයි ජෝංගෙයි ලව් එක චකබ්ලාස් වෙලා යන එක තමා...

කාලයක් ගත වෙනවා. ලීග් එකට අළුත් අය බදෝ ගන්නවා. ඒ අතර තමා වික්සන් කියන කෙල්ල ඉන්නේ. වික්සන් ඉතිං ටිකක් දඟකාර විසේකාර සෙල්ලක්කාර කෙල්ලෙක්. කියන්න දෙයක් නෑ පොතේ හැටියට අපේ මනමාල කුරුල්ලා එහෙමත් නැත්තං ජෝං අර වික්සන් එක්කත් හාදකමක් පටං ගන්නවා ශහීරගේ මතකේ ගරු පාර්ලිමේන්තු මන්ත්‍රී දුමින්ද සිල්වා වගේ අමතකම කරලා දාලා..

ජෝං සහ වික්සන් නංගි..

ඔහොම කා...........ලයක් යනවා... 

සිද්ධවෙන එක සීන් කෝන් එකකිං පස්සෙ සුපර් මෑන් ආයෙත් ශහීරව බලෙංම වගේ ලීග් එකට බදෝ ගන්නවා.. දැං මල හුට්ටප්පරයක් වෙන්නේ..

ජෝං මාරම අපහසුතාවෙකට පත්වෙනවා.. ඇයි හත්තිලවුවේ පන වගේ ආදරේ කරපු ශහීරා ඉද්දි කෝමද පණ වගේ ඉන්න වික්සන්ටත් ආදරේ කරන්නේ.. හරිනෑනේ... චාටර්නේ... වික්සන්ටනං එච්චරම ගානක් නෑ.. ඒත් ශහීරට පුල් අප්සට්.. 

කතාවේ විදිහට ජෝං නැත්තං ග්‍රීන් ලැන්ටර්න් ශහීරටයි වික්සන්ටයි දෙන්නටම එක හා සමානව ආදරෙයි. ඒ වගේමයි ජෝංට ශහීරත් ඕනේ වික්සන්වත් ඕනේ.. ඒත් ටර්ම්ස් ඇන්ඩ් කන්ඩිෂන්ස් වගේම රූල්ස් ඇන්ඩ් රෙගියුලේසන්ස් වලට අනුකූලව දෙන්නගෙං එක්කෙනයි තෝර ගන්න පුළුවං..

ඔබ ග්‍රීන් ලැන්ටර්න් නං මොකක්ද ගන්න තීරනේ....

සිරාවට අහන්නේ ඈ...

මේක ඇවිල්ලා සුපර් හීරෝ කෙනෙක්ගේ සුපිරි ප්‍රශ්ණයක්... ඔහුට උදව් කිරීම ඔබේ වගකීමයි...

ආ මේ කියන්න බැරිඋනා බ්ලොග් බැලිල්ල සහ කමෙන්ට් කිරිල්ල අතපසු උනා මේ වැස්ස අස්සේ ගහන විස්සයි විස්ස වර්ල්ඩ් කප් එක නිසා.. ඉවර උන ගමං පොලිත් එක්ක එකතු කරලා කියවන්නං ඈ.. තරා වෙන්ට එපා..

හා හා දැං උත්තරේ දෙන්නලා.. අර ග්‍රීන් ලැන්ටර්න් බලං ඉන්නවා.. ඒ වගේම මං බලං ඉන්නවා මේ සීන් එක වගේ එකක් පටලලා කතාවක් ලියන්න..

සියල්ල පිලිතුරු මගින් ලැබෙන නිගමනය මත තමයි තීරනේ වෙන්නේ...

බුකි කමෙන්ට් කරුවන් සදහාමයි