අද ඇවිදින් නුඹ යන විට.. තුටු කදුලක් තබා යන්න....

ඉස්කෝලෙ යන කාලේ කොල්ලෝ කෙල්ලංට ලියුං ලියනවා.. 

අද කාලෙනං ටිකක් අඩුයි.. මොකද හෑන්ඩ් ෆෝන් තියෙනව S.M.S කොටන්න..
 

ඒත් ලියුමක් කියවනකොට ලියනකොට දැනෙන කික් එක ඒ ඉලෙක්ට්‍රික් ලෙටර් වලිං ලැබෙන්නේ නෑ..

සමහරු එක එක  මාධ්‍ය භාවිතා කරනවා  ඔය ලියුං ලියන්න.

කවි ලියනවා, සිංදු ලියනවා, එතකොට තීන්ත වෙනුවට ලේ භාවිතා කරනවා.. විකාර ගොඩයි..

ඉතිං ඔහොම පන දාගෙන ඉස්කෝලෙ වෙලාවේ යාළුවෝ වට කරගෙන ලස්සන අත් අකුරෙං කොල්ලෙක් ලියුමක් ලියනකොට ඒක පංතියේ සර්ට අහු උනොත් මොකද වෙන්නේ???????

සොරි තමා..

අම්බානක ගුටි කාලා කාඩ් කුඩු කරගන්න තමා වෙන්නේ..

ලගදි දවසක කොලඹ අශෝක විද්‍යාලයෙත් මෙහෙම දෙයක් වෙලා තිබුනා..

ලියුම මාට්ටු උන ගමංම පංතියේ හිටපු ගුරුවරයා අයිතිකාරයත් එක්කම නතර වෙලා තිබුනේ ප්‍රින්සිපල් සර් ගාව....

කොල්ලට දෙයියෝ බුදුං සිහි වෙන්න ඇති.. 

ඒත් විදුහල්පති තුමන් තරමක් කාර්යබහුල වෙලා හිටපු නිසා ලියුම විතරක් කාර්යාලයට බාරදීලා කොල්ලව කුදලං ආයේ පංතියට ගිහිං තියෙනවා..

ප්‍රින්සිපල් සර් නිවාඩු පාඩුවේ ලියුම අරං බලනකොට සර්ට තේරිලා තියෙනවා මේ ලියුම ගොඩක් නිර්මාණශීලීව ලියලා තියෙන බව....

ආයෙත් අර කොල්ලවම ඔෆිස් එකට කැදවලා තියෙනවා..

කොල්ලා පන බයේ ගැහි ගැහි ආවත් ආයේ පංතියට ගිහිං තියෙන්නේ හිනා වෙවී...

ප්‍රින්සිපල් කොල්ලට කියලා මේ දේවල් එකතු කරලා සිංදුවක් ලියන්න කියලා..

ලියලා දුන්නු පද ටිකට ලයාන්විත තනුව එකතු කලේ පාසලේම හිටපු බොහොම පලපුරුදු සංගීත ගුරුවයෙක් උනු රංජිත් ප්‍රේමවීර මහතායි...

ඔය නිල් පාට ඇදං ඉන්නේ රංජිත් සර් තමා

(රංජිත් ප්‍රේමවීර ගැන කෙටියෙන් සදහන් කරනවානම් ඔහු කේමදාස මාස්ටර්ගේ සෙවනෙහි හැදී වැඩුනු ගෝල පරම්පරාවේ මුල් පුරුකකි. ගීත ගනනාවක තනු නිර්මාණයන්ට දායක වූවෙකි)

ගීතය ගායනා කරන්න ලැබෙන්නේ තීක්ෂණ අනුරාධ නම් තරුණ ගායකයාටයි...

මෙයාව ඉතිං අදුරනවනේ

පද රචනය ඉතිං අපේ කොල්ලගෙ තමා...

ගීතයේ රූප රචනයත් විද්‍යාලය තුලම සිදුකොට ඇතිබවත් සදහන් කෙරුනා..

මේ ගැන ඊයේ (ඔක්තෝබර් 16) ස්වර්ණවාහිනී ප්‍රවෘත්ති ඔස්සේ පලවීමත් එක්කම ලොකු කෘතුහලයක් ඇති උනා හැමෝම අතර..

 ස්වර්ණවාහිනියේ ගිය පුවත මෙතනින්

ඔන්න තියෙනවා සිංදුව...

මං ආසයි හිනාවෙන්න

ජීවිතයම නුඹත් එක්ක

නොවරදවා නුඹ එනවිට

සිනා මලක්...
සිනා මලක් අරං එන්න..

මං ආසයි යාළු වෙන්න

ජීවිතයම නුඹත් එක්ක //

නොවරදවා නුඹ එනවිට ලෙංගතුකම අරං එන්න..

මං ආසයි නුඹත් එක්ක

සෙනේහයේ සුව විදින්න..//

අද ඇවිදින් නුඹ යන විට.. තුටු කදුලක් තබා යන්න..//

මං ආසයි හිනාවෙන්න

ජීවිතයම නුඹත් එක්ක

නොවරදවා නුඹ එනවිට

සිනා මලක්...
සිනා මලක් අරං එන්න..

සාර්ථක ඉදිරි ගමනක් යන්න අවශ්‍ය ශක්තිය ධෛර්ය ලැබෙන්න කියලා ප්‍රාර්ථනා කරමු ඒ මල්ලිට...

ජයවේවා!!!!!!!!!!!!!

(මලයව සෙට් කර ගන්නනං තාම බැරි උනා.. පුළුවං උනාම දාන්නං පෝස්ට් එකක්) 

ඉදිරි විස්තර මේ පිටුවෙන් ලබා ගන්න

දැං හම්බුන වීඩියෝ එක...

බුකි කමෙන්ට් කරුවන් සදහාමයි