රස්තියාදුවේ යන්නේ නැතුව ඉක්මනට එන්න. (සිහින සිතිවිලි 6)

කලින් කොටස් මෙතැනින් කියවන්න

මාධවයගේ පඩි ටෝක් අහගෙනම කුස්සියට ගිහිං පිඟානයි අතයි හෝදලා අතටම වතුර අරං බීලා හැරෙනවත් එක්කම මාධවයගේ අම්මා කුස්සියට ආවා...

ඇන්ටි මං අද ගෙදර යනවා...

ඇයි පුතා????? පාඩං කරලා ඉවරද?????????

නෑ ඇන්ටි.... තව තියෙනවා.... වෙන දවසක කරනවා..... කම්මැලියි ඇන්ටි.......

දැම්ම කම්මැලි උනොත් ඉතිං හොදට තියෙයි........ 
කියමින් සිනාසෙමින්ම ඇය ශීතකරණය වෙත ගියාය..........

මම පොත් බෑගයට ඇදුම් කීපය දමාගෙන මං යනවා ඇන්ටී කියා හඩ නගා කීවෙමි....

පොඩ්ඩක් ඉන්න... මේක අම්මට දෙන්න.... 
කියමින් ඇය තවත් පාර්සලයක් මා අත තැබීය.

මොනවද ඇන්ටි මේ?

මොනවද ඇන්ටි මේ?????

මේ අළුවා ටිකක්..... අද උදේ හැදුවෙ..... මතක් කරලා අම්මට දෙන්න.. නැත්තං අනිත් දවසේ එනකොටත් බෑග් එකේ තියෙයි...

මා ඇයට දන ගසා වැන්දෙමි....

පරිස්සමෙං යන්න....... තෙරුවන් සරණයි!!!!!!! 
කියමින් ඕ ඔළුව අත ගෑවාය.

අඩෝ මං යනවා......

හා හා පලයං...... හෙට උදේම වරෙං ඉස්කෝලෙට..... 
මාධවයා කන ගමන්ම පැවසීය...... 
මමත් අමුතුම හැගීමකින් යතුව ගෙදර බලා යෑමට මිදුලට බැස්සෙමි.

වෙන කවරදාකටත් වඩා අද හිතට දැනෙන හැගීම හරි වෙනස්...... සමහර විට එයා කතා කරපු නිසා වෙන්නැති....... සමහර විට හිනා උන නිසා වෙන්නත් ඇති...... අනේ මන්දා. මට පිස්සු වගේ. ඔව් පිස්සු වගේ නෙමෙයි පිස්සු තමයි....  මම හිත හිතම මාධවයාගෙ ගෙදර ඉදං අපේ ගෙදට්ට ගියා....... කොහොම හරි හෙන පටලැවිල්ලක් අත ලග කියලනං පිස්සුවෙං උනත් මට හිතුනා.........

ආ තමුසෙ ආවද????? ඇයි ඕයි ආවෙ?????? අපේ ගෙදර ඉන්න මගෙ කරුමෙට මල්ලි උන එකා ඇහුවා....

ඔව් ඕයි.... ආව නෙමේ එවුනා.... මොකද ගෙදර තත්තෙ?

අවුලක් නෑ...... තමුසෙ ගෙදර නැති නිසා අපි ෆන් එකේ හිටියා........

එල....... මාත් එහෙම තමා... පට්ට ෆන් එකේ හිටියා........

ෆන් කෙසේ වෙතත් තෝයි අර හැලයයි මොක්කුද වගේ ඉන්නැති.. ගඳ ආවේ තමුසෙට කලිං ගෙදර..

අම්මේ මං ආවා.... 
මල්ලි බූරුවට පයිං ගහගෙනම මං කාමරේට යන ගමං කෑ ගැහුවා.

ආ... 
ඇදුම් මාරු කරගෙන කුස්සියට එන්න....... බත් බෙදනවා......
අම්මාද කුස්සියේ සිටම පිලිතුරු සැපයීය.

එපා එපා..... මං මාධවලගෙ ගෙදරිං කාලා ආවෙ........

හම්මටඋඩු... ඕයි මල්ලි මෙහෙ එනවා........ 
කව්ද මගේ මේසෙ අස් කරේ?

අස් කරන්නට පෙර

මමයි අස් කරේ........ පිස්සං කොටුවක් වගේ....... 
අම්මා කෑ ගැසුවාය.

බම්බුව දැං හොයපංකො ඉතිං ඕන කරන ඒවා........ 
මං මටම කියා ගත්තේ ඕක කියලා ලුනු ඇබුල් වැඩිපුරත් දාලා අහ ගන්න ඕන් නැති නිසා.

මොක උනත් දැං පිලිවෙලකට තියෙනවා. ඒකත් හොදයි. මං හිත හිතම බෑග් එකත් ඇදට විසික් කරලා නාන්න හිතාගෙන බාත් රූම් එකට ගියා.......

---------------------------------------------------------------------------------------------

නාලා එහෙම චුට්ටක් නිදා ගන්න ඇද ගාවට ආවම තමයි බෑග් එක දැකලා අළුවා පාර්සලේ මතක් උනේ.......

අම්මෙ ආ...... කාන්ති ඇන්ටි දුන්නෙ...... 
මං මවට පාර්සලේ දී ආපසු හැරුනේය....

අම්මාත් පාර්සලය ගෙන විවෘත කර බලා පව්.. 
ගෙනියනකොට මුකුත් ගෙනිච්චෙත් නෑ....... 
කියමින් මේසය උඩිං තියා නැවතත් යෙදී සිටි කාර්යට යොමු විය...

මං ඇදට පැනලා කොට්ටෙ බදා ගෙන ඇස් දෙක පියා ගත්තා අනේ හීනෙන්වත් ඇවිත් පෙනියං කියලා හිතාගෙන.........

---------------------------------------------------------------------------------------------

ඊලග දවසෙ උදෙන්ම මං ලෑස්ති උනේ අළුත් බලාපොරොත්තු ගොඩක්  හිතේ තද කරගෙන.........

අම්මෙ මං එනකොට හවස් වෙයි...... මං කිව්වෙ බත් පාර්සලේ අතට ගන්න ගමන්.....

රස්තියාදු ගහන්නෙ නැතුව ඉක්මනට එන්න..... 
අම්මා කිව්වෙ මං වදිනකොට ඔලුව අතගාන ගමන්.

මං හීනියට පොඩි හිනාවක් දාලා ගෙදරිං එලියට බැස්සා.

මං ඉස්කෝලෙ ගාවට යනකොට අපේ සෙට් එක ඉන්නවා ඉස්කෝලෙ තාප්පෙ ගාව.

ඒ මොකෝ බං මෙතන කරන්නෙ?????????

යන්න බෑ බං. සීසර් ගේට් එක ලග කොන්ඩ අල්ලනවා.

අහු වෙනවට වඩා මැරෙනවා සැපයි

මධුසංඛයාගෙ කොන්ඩෙත් අල්ලලා ඌට ගහලා එලෙව්වා බං.

දැං මොකද කරන්නෙ?

ම්ම්ම්... කැන්ටිම පැත්තෙංවත් පැනහල්ලා. සර් ඉන්නවනං මට උබලව පන්නන්න වෙන එකක් නෑ.

මේ අපි හිටියෙ උබ එනකං බං.

කෝ මාධවයි හරිනුයි??????

උං දෙන්නා ඇතුලෙ බං.....

මෙහෙම කරමු. මං ඇතුලට ගිහිං බලන්නං.... 
සර් එහා මෙහා උනාම කතා කරන්නං.... 
බලහං ඉතිං ඔය කොන්ඩෙ කපං ආවනං කිසි කරදරයක් නෑනෙ....

හරි හරි බං.... උබ සේප් කරලා දියංකො ෆිට් එකනෙ.....

එල....

මා පාසල තුලට ඇතුල් වූයේ තරමක බියකිනි. මන්දයත් ඒ වන විට මා තරමක් ප්‍රමාද වී තිබිනි. නමුත් මාගේ වාසනාව නිසාමදෝ ලක්ෂ්මන් මහතා (සීසර්) වෙනත් ගුරුවරයෙකු සමග කතාවට වැටී සිටියේය.... මා ඉක්මනින්ම නාමලේඛනයේ අත්සන්කොට මාධව සිටි තැනට වූයේ ලක්ෂ්මන් මහතා දකී යැයි බියෙනි...

සීසර්ට නම ලැබුන හැටිනං අපි කවුරුත් දැනං හිටියේ නෑ... මනුස්සයගේ නමේවත් සීසර් කෑල්ලක් තියා සී අකුරක්වත් තිබ්බේ නෑ.. සමහරක්විට අපි සීසර්ට යටවුනු රෝමන් කාරයෝ වගේ නිසා ළමයි එහෙම කියන්නැති..

කොටයි , රසයි එලියෙ බං. අද සීසර් කොන්ඩ අල්ලනවද?

ඔව් බං. අපි මෙතන අල්ලං හිටපු පොඩි උං ටිකකට බැනලා දන ගස්සලා ඉන්නකොට මධුසංඛයා ආවා. සීසර්ට මල පැනලා උගෙ කොන්ඩෙං ඇදලා දුන්නා මචං ආයේ නෑ... මං හිතුව කොන්ඩෙ ගලෝලා අතට එයි කියලා. අරූ ඇඩුවා යකෝ...

අම්මටසිරි.... දැං අරුං එලියෙ.... මට කිවුවා ඇතුලට ගනිං කියලා.... මොකද කරන්නෙ?

ප්‍රයිමරිය පැත්තෙං පනින්න කියපං....... එහෙ අද කව්රුත් නෑ.....

එල..... මං එසේ කියමින් පාසලෙන් පිට විය......

අඩෝ ප්‍රයිමරිය පැත්තෙං පැනහං..... මං යනවා. ඉක්මනට පල....

ප්‍රයිමරියෙ කව්රුත් නෑ

එල එල.... 
කියමින් ඔවුන් අනෙක් පස හැරී ගමන් ගත්හ.

මා නැවතත් මාධව සිටි තැනට විත් රාජකාරී කරන්නට විය...

මේ බං දැං අද යනවද?????

නැතුව.....

කොහොමද??????

රැස්වීම වෙලාවෙදි ධම්මිකා ගාවට ගිහිං කියනවා අද යන්න ඕනා කියලා........

යන්න දෙයිද????????

මේ.. අපේ වැඩක් නෙමේ කරන්නෙ...... 
එයාගෙයි උබෙයි පරිප්පු කන්නෙ.... 
යන්න දෙන්නැත්තං ඔන්න ඔහෙ ඉමු බං... අපිට පාංද????

හ්ම්ම්ම්....... මම නැවතත් ගේට්ටුවේ රාජකාරී කලෙමි....

---------------------------------------------------------------------------------------------

කරුණාකරලා මෙන්න මේකත් පොඩ්ඩක් බලලම යන්න..

හසංගිට ඔබේ උදව් අවශ්‍යයි...

පිට්‍යුටරි ග්‍රන්ථියේ ඉදිමීමක් නිසා හසංගිට මාසයක් ඇතුලත ශල්‍යකර්මයකට මුහුන දෙන්න සිද්ධවෙලා.එය ඉතා ඉක්මනින්ම කලයුතු අතර ඒ සදහා රු ලක්ශ දහයක් වැයවෙනවා. ඒ සදහා හැකි උපකාරයක් කරමු!!!!!! 

Asanka - 0717757855
Nimesh - 0773444819 / 0725226516

රෝගය ගැන දැන ගැනීම සදහා (http://goo.gl/V8L0u) වෙත පිවිසෙන්න

ගිණුම් අංකය - 100953703167
නම - N.R.R.Gamage
බැංකුව- සම්පත් බැංකුව නවම් මාවත
ශාඛා අංකය-009

බුකි කමෙන්ට් කරුවන් සදහාමයි