ඒක නෙමේ චායා මොකද කියන්නෙ....... (සිහින සිතිවිලි 5)

කලින් කොටස් මෙතැනින් කියවන්න

මතකද මාව? 

මගේ ලැජ්ජා ගතිය තරමක් නැතිවී ගියායින් මා ඇයත් සමග කතා කිරීමට උත්සහ ගතිමි.

ඇය ඔව් යන්න හැගවීමට හිස සැලීය.

කථා නැත්තෙ ඇයි බයද?

ඇය සිනාසුනා මිස පිලිතුරු නොදුන්නාය.

ඇය සිනාසුනා මිස පිලිතුරු නොදුන්නාය. 

මේකෙ කරලා තියන ටික මට පැහැදිලි කරනවද???? ටිකක් අවුල් වගේ....

ඇස් ලොකු කරමින් එවර ඇය මා දෙස බැලුවේ මෙතරම් පැහැදිලිව වටකුරු අත්අකුරින් ලියා තිබෙන දේ තේරුම් ගත නොහැකි බූරු පැටියෙකු දෙස බලන්නාක් මෙනි.

තේරුං ගන්න කොච්චර පුළුවං උනත් වචනයක් දෙකක් එයාගේ කටිංම අහන්න තියෙන ආසාවට තේරෙන්නෑ කියලා කිවුවත් බලපු බැල්මට මම ටිකක් බයත් උනා.. 

එහෙම වැඩි දෙයක් නෑ සහන්. ඔයාට වෙනස් කරන්න ඕන ටික මට කියන්නකො.

ඇය සිහින් කටහඩකින් පැවසීය.

පලමු වතාවට එයා මට සහන් කියලා මගේ නමින් කතා කරපු එක හරි වෙනස්... ඒ මටද කතා කලේ කියලා තේරුං ගන්නත් මට ටිකක් වෙලා ගියා.. ඒ අවස්ථාව ජීවිතේටම අමතක වෙන එකක් නැහැ..

එහෙනං මට ඕන විදිහට හැම දේම වෙනස් කරන්න පුළුවංද???????
ඕන දෙයක් වෙච්චාවේ කියලා පළවෙනි පාරට කටකැඩිච්ච කතාවක් කිව්වා... කිව්වා නෙමේ කියැවුනා..

ප්‍රතිභා ආයෙත් ඇස් ලොකු කරලා මගේ දිහා බැලුවා. ඒ බැල්මෙනං තිබ්බේ බය වෙච්ච පාටක්... ඒකෙං උනේ තවත් මගේ කුප්ප කම වැඩිවුන එක මිසක් ප්‍රතිභා ගැන දුකක් නෙමේ. මමත් කිංඩි හිනාවක්ම දැම්මා....

හරි.... 
මේකෙ මේ ඕගොල්ලොන්ගෙ ලයිනප් එක ටිකක් හරිමදි. 
මම එකින් එක ඇයට තේරුම් කලෙමි.

කාලය ගතවෙනවා දැනුනෙවත් නෑ. අයින්ස්ටයින්ගේ මොංගල් තියරි සමහරක් මුංගේ ඉස්කෝලෙ ඇතුලෙදි වැඩ නැතුවවත්ද කියලා හිතුනා. දවල් 1 පහුවෙනකොටම අපි වැඩ නවත්තලා එලියට බහින්න තීරණය කළේ කොච්ච ආස උනත් උන්ට ඇනයක් වෙලා කාඩ් කුඩු කරගන්න ඕන්නැති නිසාමයි..

මාර කට්ටක් බං සෙට් වෙන්නෙ

මාර කට්ටක් බං සෙට් වෙන්නෙ. බලහංකො අපිට ඕක සතියක්වත් අදින්න වෙයි. 

මාධවයා බාලිකා පාසලෙන් එලියට බසිනවාත් සමගම මට කීවේය.

ඒකනං ඇත්ත බං. ඒ උනාට මටනං ඒක අවුලක් නෑ.

ඔව් ඉතිං තොට මොකද? උබ අරකිත් එක්ක කඩේ දාං හිටියෙ මොකාද වගේ. මාධවයා සිනා සෙන ගමන් කීවේය.

සිරා බං...... අදනං පට්ටම සිරා. ඒ හිනා උනා බං හිනාවිල්ලක් අම්මටසිරි මට පිස්සු වගේ..... තව ටිකක් හිනා උනානං අම්මපා අල්ලං ඉඹිනවා... 
මමද සිනහවෙමින් කීවෙමි.....

නෙද්දකිං.. මුලිං වෙවුල වෙවුල හිටිය තෝ ඉඹියි කියලමයි බය.... උබට පිස්සු කියලා මං දන්නවා.... ඒත් ඔය කෙල්ලට උබේ පිස්සුව පෙන්නල මගේ පටි රෝල් කරන්න එපා....

මේ ඒක නෙමෙයි.... මොකක්ද අර නාලකයගෙ කෑල්ල ඔෆිස් එක ගාවදි නවත්තලා රහසිං උබට කිව්වෙ?????? මම ඇසිමි.

නාලකයා එන්නැද්ද කියලා අහන්නෙ..... 
මං කිව්වා කියන්න බෑ..... ඉස්කෝලෙං පන්න ගන්න පුළුවං උනොත් එක්කං එන්නං කියලා....

හ්ම්ම්ම්......

හැම එකාවම එක්කං ඇවිත් මුං ගම කයිද දන්නෑ බං.... මාධව අඩමානෙට වගේ  කිවුවේ...

නාලකයා හොද එකා...... ඒකිත් කියපු එකේ එක්කං එමු......

බලමුකෝ.. ධම්මිකා කැමති වෙන්න එපැයි මොන මඟුල කරන්නත්.. ඒක නෙමෙයි ප්‍රතිභා මොකද කියන්නෙ....

මොනා හරි කිව්වම ඇස් දෙක ලොකු කරගෙන්නවා

මුකුත් නෑ බං.... 
මාව කොරවෙන්න හිනා වෙනවා විතරයි.... 
කනට ඇහෙන්න වචනයක් කියන්නෑ.... 
මං සබ්ජෙක්ට් එකට එන්ටර් වෙන්න හිතාගෙන මොනා හරි කිව්වම ඇස් දෙක ලොකු කරගෙන කන්න වගේ බලනවා....... 
ඒ මදිවට මං කීප සැරයක්ම දැක්කා ලැබ් එකේ ගෑනිත් අපි දිහා සැටලයිට් දාං ඉන්නවා......

ඒකනං ඇත්ත බං..... 
ඔතනනං මේ වැඩේ කරන්න වෙන්නෙ නෑ...... 
හෙට මං ලැප අරං එනවා..... 
උංගෙ ලැබ් එකේ රෙද්දෙ මැෂින් වල වැඩ කරනකොට බෙල්ලෙ වැල දා ගන්න හිතෙන්නෙ........ 
තප්පරයක් රෙන්ඩර් වෙන්න පැය ගානක් යනවා........

හ්ම්ම්..... තිබහයි බං..... අර නානගෙ කරත්තෙං සරුවත් පාරක්වත් ගහමුද?????

හෙට ආපහු එන්න තියෙනවා........ බඩ අප්සට් වෙයිද මල්ලී???????

කරන්න දෙයක් නෑ..... අතැති මුදලට එතන තමා ගැලපෙන්නෙ.......

එහෙනං යං............

අපි සරුවත් කරත්තය වෙත ගොස් දොඩම් වීදුරු දෙකක් ඉල්ලුවෙමු.

බෝතලයක තිබූ දොඩම් වැක්කෙරුවේය

නාකි නානා ඔහුගේ වතුරට තැම්බුනු අතෙං වීදුරු දෙක දෙහි ඇට පාවෙන කොලපාට වතුර බේසමක ඔබා බාගෙට සෝදා එයට බෝතලයක තිබූ දොඩම් වක්කර අප දෙදෙනාට දුන්නේය. මාධවත් මමත් මුහුනට මුහුන බලා සිනාසී එක හුස්මට වීදුරු දෙක හිස් කලේ විශබීජ දිවේ නොගෑවී ආමාශගතකර ගැනීමට මෙනි.....

නානට රුපියල් විස්සක් දිගු කොට අපි එවෙලාවේම බොරැල්ල හංදියෙන් හැරවූ බස් රථයක එල්ලුනේ හැකි ඉක්මනින් ගෙවල් බලා යාමටයි. මාධවයා පාපුවරුවේ සිටිමින් පාසැල් ඇරී බස් නැවතුම්පලවල් වල සිටින බාලිකාවන්ට ඇස් ගසමින් යයි.

මා මාධවටත් මටත් ටිකට් ලබාගෙන බස් රථයේ ඇතුලට වීමි..........

මල්ලි ඇතුලට එන්න.... ඇතුලට එන්න.......

කොන්දා කෑ ගසනුයේ වෙනකෙකුට නොවේ බූරු මාධවයාටයි.

කොන්දා නොවේ කොන්දගෙ ලොක්කා බස් ඩ්‍රයිවර් ඇවිල්ල කීව්වත් ඔය පරයට ඕන්නං ඌ යන්නේ ෆුට් බෝඩ් එකේම තමා..... 
කොන්දාව තබ සතේකට මායිම් නොකර ෆුට්බෝඩ් එකේ හිටපු මාධවයා දිහා බලලා බස් එකේ කෙල්ලො විතරක් නෙමේ අංකල්ලත් හිනා උනා. සමහරවිට ඒගොල්ලංටත් ඉස්කෝලෙ කාලේ මතක් වෙන්නැති...

ටික වේලාවක් මාධවයා දෙස බලා සිටි කොන්දා තනිවම කියවමින් බස්රථයේ ඉදිරියට ගියේ මාධවයගේ ප්‍රතිචාරයක් නොමැති බැවිනි......

මාධවලාගේ ගෙට ගොඩනවාත් සමගම කොහෙදෝ සිට පැමිණි හොරිකඩ ස්කූබියා අපේ ඇගවල් වලට පනින්නට විය.

ස්කූබියා ගැන සදහන් කලහොත් ස්කූබිගේ මුල් නම ස්කූබි නොවේ. එවකට ඌ ටොමියායි. නමුත් සිරස නාලිකාව ස්කූබි ඩූ කාටුන් වැඩසටහන විකාශය කිරීමත් සමගම ටොමියා ස්කූබි විය. 

එදා ටොමියා කියා කතා කරනවිට සේම අද ස්කූබි කී විටද ඌ නකුට වනන්නේ කුමන නමක් උවත් ඌ බල්ලෙක් බව අපට වඩා හොදින් ඌ දන්නා බැවිනි. ස්කූබියා මාධවයාගේ මල්ලි කෙනෙක් මෙනි. ඌ ගැන වැඩි දුරටත් සදහන් කිරීම මාධවයාට කරන ගෞරවයක් බැවින් මා ඌ ගැන වැඩි වශයෙන් නොකියමි.

ළමයිනේ බත් කන්න. මේසෙ වහලා ඇති. මාධවගේ මව සුපුරුදු නිවේදනය කරේ අප දෙදෙනා ඇවිත් සුළු මොහොතකිනි.

මාද කමිසය උඩින් දමා රූපවාහිනියත් දමාගෙන නොසේදූ අතින් බත් කන්නට වූයේ බඩගින්නටත් වඩා අත සෝදා කෑමට පුරුද්දක් නොමැති  වීම නිසාවෙනි.

මේ අඩෝ දැං හෙට මොනාද කරන්නෙ.... මාධවයාද බත් පිගාන ගෙන සෝෆාවේ ඉද ගන්නා ගමන්ම ඇසුවේය....

දන්නෑ බං.... මට අර සුවනියර් එක විතරයි තියෙන්නෙ....

මට පොඩි වැඩ ටිකක් සෙට් උනා....

ඒ මොනාද?????????

දැං අර ආට් වර්ක් එකට අමතරව වීඩියෝ ටිකකුත් හදන්න තියෙනවා බං.....

මොනාද වීඩියෝ???

ඩේ එක දවසට දාන්න බං...

හ්ම්ම්ම්. එල මාත් එන්නං සුවනියර් එක ඉවරකරලා....

හරි....

අඩෝ මං කාලා ගෙදර යනවා බං....

පිස්සුද බං..... අද හිටපං...... හෙට පලයං........

බෑ බං........

ඇයි???? අරකි නම්බර් එකක්වත් දුන්නද???????

නෑ ඒක නෙමේ.... නිදිත් මතයි.... අනික දැං දවස් දෙකකිං ගෙදර ගියෙත් නෑනෙ.....

හ්ම්ම්ම්...........

මේ ඒක නෙමේ චායා මොකද කියන්නෙ.......

හි හි...... අන්න දැක්කද කෙල්ලො..... බලපං දවසට ෆිට් උන හැටි?????

දැක්කා දැක්කා......

හෙට නම්බර් එක ඉල්ල ගන්න ඕනා.........

ඉල්ලගනිං..... මේ ඒකි මේ සොසයිටි එකේ නැද්ද කොහෙද බං.......

ඇයි????????

නෑ ඉතිං එහෙමම මේක ගැන දන්න බවක් පෙනුනෙ නෑ............

දැනගත්තත් එකයි නොදැන ගත්තත් එකයි බං...... 
උංගේ ඉස්කෝලෙ ක්‍රියාපටිපාටිය මට දිරවන්නෑ බං.. ප්‍රිෆෙක්ට්ලා උනාට මේවට තියෙන සහභාගිත්වයනං බිංදුවයි... ඒකිත් කොමස් තමා ඒත් සොසයිටියේ වැඩ ගැන දන්නෑ..... 
මං උගන්නලා ගන්නංකො..... මැඩම්ට කිව්වනං වැඩේ තනියම කරන්න අමාරුයි....... උදව්වට චායාව දෙන්න කියලා හරිනෙ........

දෙයි දෙයි උබට මේං කියලා..... මම කෑම පිගානත් ගෙන පුටුවෙන් නැගිටමින් කීවෙමි........

බලහංකො මං ගන්න හැටි....... මාධවයාද කීය.........

--------------------------------------------------------------------------------------------------------------------------------------------------------------

අපි සැට් එකම දැං මෙහෙ --- ආස්මී

බුකි කමෙන්ට් කරුවන් සදහාමයි