උළෙල මැද කුණු වලිය

2013 සයිබර් සිහින උළෙලට කස්ටියම අද සැට් උනානේ. සංතෝසයි ඈ.. සමහර අයව අදමයි දැක්කේ.. පැරණි බ්ලොග් කරුවෝ අළුත් ඈයෝ.. එතකොට බස් රේඩියෝ එකේ සැට් එක... පුළු පුළුවං හැමෝමත් එක්කම වචනයක් හරි කතා කරන්න උත්සහා කරා... බැරි උනානං දහස් වාරයක් සමාවෙන්ට ඕනා ඈ..

වලි මුනිලව  අපිට පෙනුන හැටි

අපිව වලිමුනිලට පෙනුන හැටි

ගිය පාර සිහින උළෙලට යා ගන්න බැරි වෙලා කට්ටිය ෆොටෝ දාද්දි පට්ට ඉරිසියාවක් මිශ්‍ර දුකක් හිතුනා.. ඒ පාරම තමා හිතාගත්තේ 2013 එකේදිනං කෝම හරි යනවම තමා කියලා... ඉතිං බුකියේ ඉන්න එකෙක්ගෙං ලනුවක් කාලා සරමකුත් පටලං ගියා සයිබර් සිහිනෙට...

කියන්න වචන නෑ මටනං අවුරුදු උත්සවේ සුපිරි.. එහෙම කියන්නේ මේක මම සහභාගි වෙච්ච හොදම සහ ලෙංගතුම අවුරුදු උත්සවේ නිසා... හැමෝම තරහා මරහා අමතක කරලා විහිළුවෙං තහළුවෙං බොහොම අපූරුවට උත්සවේ පැවැත්වුවා.. 

කලිං දවසේ තරුණ සේවා මධ්‍යස්ථානයේ අවුරුදු උත්සවේ වැඩ කටයුතු වලට උදව් කරන්න ගියාම මධ්‍යස්ථාන බාර නිළධාරීතුමා අපෙන් ඇහුවේ බ්ලොග් අවකාශේ කියන්නේ මොකක්ද කියලයි.. උත්සවේ ඉවර වෙලා යන ගමන් මම එතුමගෙන් සිහින උළෙල ගැන අහපුවම දුන්න පිළිතුරෙන් මට තේරුනා එතුමම උත්තරේ හොයා ගන්න ඇති කියලා.. බොහොම ප්‍රසංශා මුඛයෙන් තමා කතා කළේ...

කොහොම හරි මං මේ කියන්න ආවේ මේ පාර මේ උත්සවේ සංවිධානය කරපු සභාපති ප්‍රදීප් අයියා ප්‍රමුඛ සංවිධායක මණ්ඩලයටත්, උත්සවය සංවිධානය කිරීමට මූල්‍යමය අතින් වචනයෙන් ක්‍රියාවෙන් සහ සහභාගීත්වයෙන් දායක වෙච්ච හැමෝටමත්, බොහොම ස්තූතියි... ඔබ සියළු දෙනා නොමැති වෙන්න අද මේ වගේ ලස්සන හෝරා කීපයක් මට ගත කරන්න ලැබෙන්නෑ.. නැවතත් බොහොම ස්තූතියි..

හැබැයි අර මගේ සරමත් එක්ක සෙල්ලං දාපු උංටනං හොදක් වෙන්න එපා.. ගම්බාර දෙයියෝ ඕකුං ගැන බලාගන්නෝනා...

ආපු නැති එවුනුත් ඉතිං දැං දුක් වෙන්නැතුව ලබන පාර එන්න පුළුවං වෙන්න දැං ඉදංම පසුබිම හදාගන්න... ලබන අවුරුද්දෙත් මේ වගේම නැත්තං මීටත් වඩා හොදට සයිබර් සිහින බක්මහ උළෙල කරන්න අවශ්‍ය ශක්තිය ධෛර්ය ලැබේවා...

වලිය ගැන බලන්න ආපු උංට කියන්නේ..
ඇයි මීට කලිං වලි දැකලා නැද්ද..
වැඩක් බලාගෙන යනවා මනුස්සයෝ යන්න....

2014 සයිබර් සිහින උළෙලේදී හමුවෙමු!!!!!!!!!!!

2013 සිහින බක්මහ උළෙලේ කස්ටිය..
ඡායාරූපය - සංකල්ප බණ්ඩාර

ජයවේවා!!!!!!!

( ප.ලි - කිසිවෙකුගේ සිත් නොරිදේවා, මේ ඉන්න ටිකේ හොදට ඉදිල්ලා.. අපි හෙට මැරෙයිදත් ෂුවර් නෑ ඈ...)

මෙන්න වලි කාරයන්ට

බුකි කමෙන්ට් කරුවන් සදහාමයි