ඒ සුදු නංගි... මං ලොකු අයියා

එතකොට මං 9 වසරේ. උබ අම්මගෙ බඩේ. අපිත් එක්ක එකතු උනෙත් ඒ අවුරුද්දෙම තමා. මුල්ම සතියෙ බොලාට නමක් නෑ. තිබ්බෙ අංකයක්. ඉස්පිරිතාලෙදි රවුං කාඩ් බෝඩ් කෑල්ලක නො 11 කියලා ලියලා අතේ ගැට ගහලා තිබ්බා. අපිත් ඉතිං ජොලියට වගේ උබට කිව්වෙ 11 කියලා. පස්සෙ නමක් දාන්න කියලා අකුරු හම්බවෙලා තිබ්බා. හම්බෙලා තිබ්බෙත් පට්ට අකුරු ටිකක්. පු යන්නයි ක යන්නයි. කාලා වරෙංකො. අම්මා හොයලා හොයලා දැම්ම ලස්සන නමක්. පවුලෙ අනිත් ඔක්කොම පිරිමි ලමයි නිසා කෙල්ලංගෙ නං එච්චර භාවිතයේ නෑනේ. ටික කාලෙකිං උබේ හමේ පාටත් එක්කම මං සුදු නංගි කියන්න පටං ගත්තා. දැං උබට අවුරුදු 8යි. ඒ කියන්නෙ බං මං හෙන ඉක්මනට වයසට ගිහිංනේ. ලොකු අයියා උනාට මං මෙලෝ රහක් නැතුව ඇති. ඇත්ත මං පිලිගන්නවා. මොනා කරන්නද හලෝ. අවුරුද්දකිං උබටම හරියන්න මල්ලි කෙනෙකුත් හම්බඋනා. ඒකත් හොදා. නැත්තං උබත් එක්ක සෙල්ලං කරන්න වෙන්නෙ අපිටනේ.

මං ලොකු අයියා

මේකයි, අද උබේ 8වෙනි උපන් දිනේ. දෙන්න තෑග්ගක් ගන්න සල්ලි නෑ බං. අවුරුදු 21ක් උනාට මට තාම ජොබක් නෑනේ. කරුම ලෙක්චස් වලට ගාටනවා තාමත්. සතියක් ඉතර පහු වෙලා දුන්නට කමක් නෑ නේ? කෝම හරි සල්ලි ටිකක් එක්කහු කර ගන්නං.

අවුරුදු 8 උනා වගේ ඩබල් වේගෙකිං උබට 16ක් වෙයි. පට්ට කෑල්ලක් වෙයි කියලා දැං තියෙන දේහ ලක්ෂණ වලිං මට හිතෙනවා. උනාට කමක් නෑ පරිස්සං වෙයං. ලස්සන අහිංසක බෝනික්කෝ  වගේ කෙල්ලො තත්පර ගානෙං විනාස වෙලා යන හැටි මේ ටික කාලෙට මං ඕනතරං දැකලා තියෙනවා. මොන දේ FB එක කියන කරුමෙටනං අත ගහන්න හිතන්නවත් එපා. මේ පේනවනේ ගැලවිල්ලක් නෑ. උබලෑ කාලේ වෙනකොට ලෝකෙ කොහොම තියෙයිද කියලා මං දන්නෑ. නන්නත්තාර නොවී හොද ලොක්කියෙක් වෙයං. වෙන අයියලට වගේ දෙන්න දාර්ෂණික ටෝක් මං ගාව නෑ බං. රටේ ලෝකෙ එකාලට අනං මනං කියන්න බැරි වෙන්න හොදට හැදියං. එච්චරයි. කියපු දේවල් පිලිවෙලක් නැතුව ඇති. ගනං ගන්න එපා බං. මට ඕවා එච්චර කියලා හුරු නෑ.

මේක ලිව්වට වැඩකුත් නෑ. මොකද උබ බ්ලොග් කියවනවයි කියලයැ. අපරාදේ මෙච්චර හරි ටයිප් කරේ. බ්ලොග් කියවන්න පුළුවං වෙච්චි දවසක මේක කියවහං. සුභ උපන් දිනයක් වේවා සුදු නංගි. ජයවේවා!!!!!!!

ලොකු අයියා

බුකි කමෙන්ට් කරුවන් සදහාමයි