ඔබ අනුරාලෝකය බැලුවෙහිද???

සෞන්දර්ය කියන එක ඉස්කෝලෙ බරටම සාකච්චා වෙන්නේ 6 වසරෙදි. 

මොකද 6 වසරෙදි ළමයින්ව ප්‍රධාන වශයෙන් බෙදනවා චිත්‍ර, නැටුම්, සංගීතය කියලා. 

කොහොම හරි 5 වසර වෙනකන්ම ආසාවෙන් චිත්‍ර අදින එවුන් පවා මතු එන සාමාන්‍ය පෙල විභාගෙට හොද ප්‍රතිඵලයක් ගන්න නැටුම් වලට හරි සංගීතයට හරි යනවා. 

මොකද කතාවක් තියෙනවා චිත්‍ර කොච්චර හොදට ඇන්දත්ලකුණු එච්චර හම්බවෙන්නෑ කියලා. (කතාව ඇත්ත කියලා මං 2008දි රිසාල්ට් ආවම දැන ගත්තා.) 

 

සමහරු කැමැත්තෙංම චිත්‍ර අතාරිනවා. සමහරුංව දෙමවුපියෝ බලෙංම වෙන විශයකට දානවා. අන්න ඒකයි ලංකාවේ විදිහ. 

කොහොම හරි මං අද කියන්න ආවේ සෞන්දර්ය විශයන් ගැන නෙමේ. ලංකාවේ නමගිය චිත්‍ර ශිල්පියෙක් ගැන. 

ඒ අනුර ශ්‍රීනාත්. 

අනුර ශ්‍රීනාත් කිවුවම ලංකාවේ ඉතිං නොදන්න කෙනෙක් නැතුව ඇති. 

මං හිතන්නේ මෙතුමා ගොඩක්ම ජනප්‍රිය කලා කාරයෝ සහ චිත්‍ර කතා පත්තර බලන අය අතර වෙන්න ඕනා.

අගෝස්තු දෙවෙනිදා මෙතුමාගේ චිත්‍ර ප්‍රදර්ශණයක් පැවැත්වුනා කොලඹ කලා භවනෙදි. 

ඒක නම් කරලා තිබ්බේ අනුරාලෝකය (ANURĀLŌKAYA) කියලයි. 

ඉතිං මෙතුමව මං එච්චරම දන්නෙ නැති උනත් එතුමගෙ දියනියව මං අදුරන නිසා ගියා ප්‍රදර්ශනේ බලන්න. 

ඇත්තටම ලස්සන චිත්‍ර එකතුවක්. බලන්න වටිනවා. කැමරාවත් අරං ගිය නිසා මමත් හතර අතේ ෆොටෝ ගැහුවා චිත්‍ර වල.

ඒ අතර එතුමා විවිධ චිත්‍ර කතා පත්තර වලට අදින ලද චිත්‍ර කතා කීපයක්  මං ඡායාරූප ගත කර ගත්තේ බ්ලොග් එකේ දාන අදහසින්මයි. 

ඇත්තටම ඒ චිත්‍ර කතා වලින් සමාජයට ලොකු දෙයක් කියනවා. කතා තුනක් තියෙනවා එක එක දවස් තුනකට දාන්නං.

• අනුර ශ්‍රීනාතයන්ගේ මුහුනු පොතේ පිටුවට මෙතැනින්
• අනුර ශ්‍රීනාතයන්ගේ වෙබ් අඩවියට මෙතැනින්

මේ පහලින් දැක්වෙන්නේ 1994දී  අනුර ශ්‍රීනාත් විසින් සිත්තම් කල කපනවා ඕයි කපනවා කියන කෙටි චිත්‍ර කතාවයි.

බුකි කමෙන්ට් කරුවන් සදහාමයි