ෂර්ලොක් හෝම්ස් වායු රයිෆලයේ අභිරහස (Sherlock Holmes Mystery of the Air rifle)

මහාචාර්ය රත්නායක හා ඔහුගේ සහයක මයුර විසින් කල කාල තරණ පර්යේෂණයේ ප්‍රතිඵලයක් ලෙස 2005හේ පෙබරවාරි මස අතීතයේ ජීවත් වී මියගිය චරිතයන්හි මතකයන් සහ විඥානයන් වර්තමානයට ගෙන්වා එය ක්ලෝන තාක්ෂණය මගින් නිපදවූ ශරීරයකට ඇතුල් කර අතීත චරිතයන්ට පන දිය හැකි ක්‍රමවේදයක් නිපදවීය. 

නමුත් මහාචාර්ය රත්නායකගේ හදිසි අතුරුදහන් වීමත් සමගම එම ව්‍යාපෘතිය නැවතුනි. කිසිවෙකුට මහාචාර්යවරයා නැවැත්වූ තැනින් පටන් ගැන්මට නොහැකිවුනි. මහාචාර්යවරයා අතුරුදහන් වීමට ප්‍රථමයෙන් ඔහු හා සහයක මයුර එක්ව තම පර්යේෂණය අත්හදා බලමින් දහනමවන සියවස තුල එංගලන්තය පමණක් නොම මුළු මහත් ලෝකයම තම රහස් පරීක්ෂක වැඩ කටයුතු වලින් විශ්මයට පත් කල ෂර්ලොක් හෝම්ස් විසි එක්වන සියවසට ගෙන ඒමට කටයුතු කල බවට සදහන් වූ නමුත් එය හරියාකාරව දැනසිටි කිසිවෙකු නොවීය. මහාචාර්යවරයාගේ අතුරුදන් වීමෙන් අනතුරුව සහයක මයුර ඉතා හුදෙකලා ජීවිතයක් ගත කල අතර ඉතා කිට්ටුම හා විස්වාසවන්තම කීප දෙනෙකු සමග පමණක් අතරින් පතර කතා බහ කළේය.

සහයක මයුර මා පෞද්ගලිකව හදුනන මුත් කිසි දිනෙක ඔහු මා සමග පර්යේෂණ පිළිබඳ කතා කර නොමැත. මා එයට මුලපිරූ සෑම අවස්ථාවකම ඔහු දක්ෂ ලෙස එය මගහැර ගියේය.

පසුගිය බ්‍රහස්පතින්දා සහයක මයුරද මහාචාර්ය රත්නායක මෙන් හදිසියේම අතුරුදන් විය. ඔහු පිළිබඳ කොතෙකුත් සොයා බැලුවද තොරතුරක් නොවීය. ඔහුගේ අතුරුදන් වීමෙන් අනතුරුව මා ඔහුගේ නිවස වෙත ගියේ පමා වී තැපෑලෙන් ලද ලිපියක් නිසාවෙනි.

මුද්‍රිත ලිපියක් වූ එහි සදහන් වූයේ මයුර මහතාගේ ගෙදර පරිඝණකයේ ඇති ලිපිගොනු  කීපයක මුරපදය. ඔහුගේ පරිඝණකය තුලින් මා ලබාගත් ඒ ලිපිගොනු වල සදහන් වූයේ ඔහුත් මහාචාර්ය රත්නායකත් පනපෙවූ ෂර්ලොක් හෝම්ස් විසින් ලංකාව තුල විසදූ ගැටළු පිළිබඳ තොරතුරුය. එය ජනතාව හමුවේ තැබීම මාගේ වගකීමක් ලෙස සලකන බැවින් ඔහුගේම වදන් වලින් යුත් ඒ රහසිගත ලියවිලි මම මෙසේ පලකරමි....

(විස්වාස කිරීම නොකිරීම ඔබ සතුය)

--තරිඳු අබේසිංහ--

========= === වායු රයිෆලය කොටස 01=== =======

“ඔබට හොදටම විශ්වාසද ඔහු ඉලක්කය අරන් තියෙන්නෙ මෙතැන ඉදන් කියල?“

“මොනව අහනවද හෝම්ස් මහත්මයා....මෙතැන තුවක්කුවත් ඒ අටවපු විදිහටම තියෙනකොට?“

”අපිට මෙයින් පිටවුණු උණ්ඩ දෙකක පස්සා කොපුත් හමුවුණා...අපේ දෙපාර්තමේන්තුවට සැකයක් නෑ. මිනී මැරුමට පාවිච්චි කරපු ගිනි අවිය ඒකමයි...”

උප පොලිස් පරීක්‍ෂක ජානක මහත්මයා පැවසීය...

ඒ පිළිතුරෙන් සෑහීමකට පත් නොවූ හෝම්ස් නැවත වායු රයිෆලයට තම නෙත තබා ඉලක්කයට මෑනීය.

ඒ... ඝාතනය සිදුවූ ස්ථානයටය.....

එවර හෝම්ස් වායු රයිෆලය එහාට මෙහාට කිරීමට උත්සාහ ගත් නමුත් එය එම ස්ථානයේම සවිකර තිබුණි. එය සෙලවිය හැකිවූයේ යම් කෝණයකට පමණි.

“හොදයි ඔය අපරාධකාරයා පැනල ගිහිල්ල තියෙන්නෙ සිවිලිමෙන් කිවුව නේද?“

“ඔව් හෝම්ස් මහත්මයා අර තියෙන්නෙ ඒ සිදුර..මින්හ කලින් ඉ`දලම එතැන සිදුරක් හදාගෙන ඉදල තියෙනවා.......“

උප පොලිස් පරීක්‍ෂක ජානක මත්මයා පෙන්වූ ඒ සිදුර යටට ගිය හෝම්ස් මද වෙලාවක් ඒ දෙස බලාසිට එය නැගුනේය....

හෝම්ස් නැවත අපිට එකතු වූයේ හරියටම විනාඩි පහකට පසුවය...

“එතකොට ජානක මහත්මයා ඒ මනුස්සයා මෙතැනින් වහලෙට නැගල එහා පැත්තෙවත්තට පැනල බේරිල ගියා කියලද කියන්නෙ ?“

“ඔව් හෝම්ස් මහත්මයා...ඔවුන් කණ්ඩායමක්ම ඇවිත් තියෙනවා...

මෙයා මෙතැන වෙඩි තියනකන් කට්ටිය බලාගෙන ඉදල තියෙනව එහාපැත්තෙ ග්‍රෙනේඩ් බෝම්බ පාවිච්චියට...

එක බෝම්බයක් පාවිච්චි කරල තියෙනව වාසනාවට ඒක පත්තු වෙලා නෑ..“

“ඒ ඇත්ත ඒ වත්තෙ පිරිසක් ගැවසුණු ලකුණු හොදටම තිබුණ...

මේකහරිම සංකීර්ණ ගැටළුවක් උපුල්...

මට ටිකක් හිතල බලන්න වෙනව.මේකෙ නොපැහැදිලි තැන් කිහිපයක්ම තියෙනව...“

“නොපැහැදිලි තැන්....?

වෙන්න බැහැ හෝම්ස් මහත්මයා අපේ දෙපාර්තමේන්තුවට පාර අහුවෙලයි තියෙන්නෙ.....

මේ පාර අපි හරි..

ඇමතිතුමාට වෙඩි තියපු අය මාස ගණනක් මෙතැන හැංගිල ඉදල තියෙනවා.. මේ නිවස කුලියට අරගෙන තියෙන්නෙ ඒ අයගෙ සැලසුම ක‍්‍රියාත්මක කරන්නයි..

අපිට හොදටම විශ්වාසයි එදා වෙඩි තියපු කෙනා මෙතැන ඉදන් මේ රයිෆලයෙන් වෙඩි පහක් තියල තියෙනව..

ඒ පහෙන් දෙකක් ඇමතිතුමාට වැදුණ, අනික් තුන තවමත් තියෙනව ඒ කෙලින්ම තියෙන තාප්පයට කිඳා පැහැපු ගමන්...

බලන්න මේ රයිෆලය එළියට නොපෙනෙන්න ලෙන්සයයි තුවක්කු කටයි දාන්න පුළුවන් විදිහට මෙතැන හදල තියෙන හැටි..

ඉතිං අපිට තවත් සැක මොනවද? දැං ඉතිරි වෙලා තියෙන්නෙ සාක්ෂියි, කට උත්තරයි වලින් ඝාතකය හොයා ගන්න එක...“

“හෝව්....හෝව්... ජානක මහත්මයා.....

මොකක්ද කිවුවෙ.. උණ්ඩ පහක් ?

මම ඒක කලින් දැනගෙන හිටියෙ නැහැනෙ...

උණ්ඩ තුනක් තාප්පෙ තතවම තියෙනවද ?

එහෙමනම් හරි..

ඒ වෙඩි තුන වැදිල තියෙන්නෙ කොයි හරියෙන්ද කියල මට පෙන්වන්න පුළුවන්ද ?“

“ඔය තුවක්කුවෙ ලෙන්සයෙන්ම බලන්න හෝම්ස් මහත්මයා...

එතකොට පෙනේවි..

බලන්න බිම ඉදල අඩි එකහමාරක්, දෙකක් උඩින් වෙඩි තුනම ඇති...“

“ඔහ්....හෝ...

පැහැදිලියි.... පැහැදිලියි...

හරිම පැහැදිලියි....

ඒ වුණාට උපුල් මහත්මයා මෙතන වැටිල තියෙන්නෙ පතුරම් කොපු තුනයිනෙ කෝ අනික් දෙක ?“

“හැබෑට....ඒක නම් එහෙම තමා...

ඒ වුණාට ඒකෙන් වැඩක් වෙයි කියල මම නම් හිතන්නෙ නෑ.....“

“එහෙමනම් අපි යමු සිරුර තියෙන තැනට..“

පිහිනුම් තටාකයට ආසන්නයේ උඩුබැලි අතව වැටී තිබූ සිරුරේ වෙඩි උණ්ඩ දෙකක් විය...

ඒවා පපුවටම කිඳා බැස තිබුණි....

සිරුර පිරික්සූ හෝම්ස් ඊළඟට පාදයේ සිට වෙඩි වැදුණු ස්ථායට උස මැන්නේය. මඳක් කල්පනාවේ නිග්මව සිටි හෝම්ස් එතැන සිට ගෙන වෙඩි තැබූ ජනේලය දෙස බලා සිටින්නට විය.

“මේ තියෙන්නෙ හෝම්ස් මහත්මයා....

අර අනික් උණ්ඩ බලන්න ඒවා මේ බිත්තියට කිඳා බැහැල තියෙන හැටි..“

පොලිස් පරීක්‍ෂක උපුල් මහත්මයා බිත්තියට කිඳා බැස තිබූ අනෙක් උණ්ඩ තුන පෙන්වමින් පැවසීය..

“කෝ බලන්න.......??“

හෝම්ස් තම ලෙන්සය ගෙන ඊට ලංවිය.....

“ඇත්තටම ජානක මහත්මයා මේ වායුරයිෆලය කියන දේ කොච්චර බලගතුද බලන්න...

බලන්න මේ පතුරම් තුනම කිඳා බැහැල තියෙන විදිහ.....

හරියටම අඟල් භාගයක් විතර ඒකත් ඝනකම් සිමෙන්තියට......“

“ඒක නම් එහෙම තමා .......අපි දැං උණ්ඩයි මළසිරුරයි පරීක්‍ෂණ වලට යවන්නයි හදන්නෙ.. ඔබගෙ පරීක්‍ෂණ ඉවර කළා නම් හොදයි....“

“ඉවරයි.... ඉවරයි.... අර‍ගෙන යන්න මොනව හරි විශේෂයක් තියෙනවනම් මටත් කියන්න...
මට තව එක දෙයයි බලන්න තියෙනනෙ“......යි 
පැවසූ හෝම්ස් බිම සිට බිත්තියේ වෙඩි වැදී තිබූ උසද මැනගත්තේය.... 
“දැං ඒකත් හරි....“

---මතු සම්බන්ධයි--- 

දෙවන කොටසට මෙතැනින්

බුකි කමෙන්ට් කරුවන් සදහාමයි