අවජාතක කොල්ලා

අදත් දෙන්න ලෑස්ති උනේ අනුර ශ්‍රීනාත්ගේ අනුරාලෝකය චිත්‍ර ප්‍රදර්ශණයෙන් ලබාගත්තු චිත්‍ර කතාවක්. ගිය පෝස්ට් වලින් පලකරපු චිත්‍ර කතා වලට ගොඩක් හොද ප්‍රතිචාර ලැබුනා.

 

චිත්‍ර කතාව බලන්න කලින් පොඩි පණිවිඩයක් තියෙනවා අහගෙනම යන්න.

 ගිය පෝස්ට් එක වෙච්චි “අමාගෙ කනට ගහන ඔෂින්“ කියන එකට හොද ප්‍රතිචාර හම්බඋනා. ඒකෙදි අවසානෙදි මං කිවුවා අපි අළුත් වැඩක් පටං ගන්නවා, ඒකට සමගාමීව අපි නාට්‍ය වැඩසටහනක් කරනවා ඒ සදහා අපිට ගුණාත්මක පිටපත් අවශ්‍යයි කියලා.

තුන් දෙනෙක්ම පුළුවං කිවුවා

අපිට තුන් දෙනෙක් විතර “අනිවා පිටපතක් ලියලා දෙන්නං“ කියලා කැමැත්ත පල කලා. ඒක අපිට ලොකු සතුටක්.

නමුත් පිටපත කොහොමද ලියන්නේ? , මොනාද ලියන්නේ? , මොන වගේ නාට්ටියක්ද? වගේ දේවල් කිවුවේ නෑ. ඒක කට්ටියට ලොකු ප්‍රශ්ණයක් උනා.

අවබෝධයක් නැතුව පිටපත් රචනයට යොමු උනාම තමා අර කලිං පෝස්ට් එකේදි කිවුව ජාතියේ පිටපත් ලියවෙන්නේ.

ඒ නිසා අපි මුලිංම පොඩි අවබෝධයක් ගමු නාට්‍යකරණය ගැන.

අපි මුලිංම බලමු නාට්‍ය කියන්නේ මොකක්ද? කියලා.

කිසියම් සිද්ධියක්, කතාවක්, අදහසක් සතර අභිනයෙන් යුක්තව ප්‍රේක්ෂකයාගේ අවධානය යොමු කරවාගත හැකි ආකාරයට වේදිකාවක, එලිමහනක, කමතක නළු නිලියන් යොදා නාට්‍ය නීතිරීති වලට එකගව ස්වභාවිකත්වයට මදක් එතෙරව ඉදිරිපත් කරනු ලබන ශ්‍රව්‍ය දෘශ්‍ය අංගයකි නාට්‍ය.

මේ හැදින්වීම දවසක්වත් විස්තර කරන්න ඕනා හරිහමන් විදිහේ අර්ථයක් වටහලා දෙන්න.

නමුත් අපිට ඒක කරන්න විදිහක් නෑ. හොදින් කියවලා බලන්න ඔය හැදින්වීම. එතකොට යන්තම්වත් තේරේවී.

හරි. දැං බලමු ඔය නාට්‍ය පිටපත් රචනා කරන කලාකරුවන් කොයි වගේද කියලා.

• සමාජය පිටුපසට අදින පසුගාමී කලාකරුවන්
• සමාජය තිබෙනාකාරයෙන්ම ගලායන ආකාරයට නිර්මාණකරනයෙහි යෙදෙන කලාකරුවන්.
• සමාජයේ මාර්ගය වෙනස් කල හැකි කලාකරුවන්. උදා - මැක්සිම් ගෝර්කිගේ “අම්මා“ නවකතාව

ලංකාව තුල මේ තුන් වර්ගය ගැන හොයලා බලනකොට අපිට හම්බවෙන්නේ පලවෙනි දෙවර්ගය විතරයි.

තුන්වෙනි වර්ගය හොයා ගන්න එක ගොඩක් අමාරුයි.

අපේ වෑයම ඔය තුන්වෙනි  වර්ගයක් සමාජයට ඉදිරිපත් කරන එකයි.

හොදයි.
හැදින්වීම ඉවරයි.

දැන් තියෙන්නේ වැඩ කරන්න.

අපි දන්නවා අපිත් එක්ක එකතු වෙන ගොඩක් අයට නාට්‍ය පිටපත් රචනය ගැන හරිහැටි අවබෝධයක්, අත්දැකීමක් හා පලපුරුද්දක් නෑ. නමුත් ඒක පිටපත් රචනයට බාධාවක් නෙමෙයි.

අනික ගිය පෝස්ට් එකෙං අපි ඔය ගැන කිවුවම ගොඩක් කට්ටිය ඒක වටහා ගත්තේ ටෙලි නාට්‍යයක් විදිහට. නමුත් නාට්‍ය කියන්නේ ටෙලි නාට්‍ය විතරක් නෙමෙයි කියන එක අපිත් එක්ක මේ කාර්යයට එකතු වෙන හැමෝම දැනගන්න ඕන කාරණයක්.

හරි අපි බලමු අපිත් එක්ක එකතු වෙන්න මොකක්ද කරන්න ඕන කියලා.

ඕගොල්ලංගෙ ඇති වෙලා නැතිවෙන අනන්ත සිතුවිලි අතරේ ඇති එලකිරි වගේ සිතුවිලි නාට්‍ය සදහා ගැලපෙන. එහෙමත් නැත්තං අත්දැකීම් ඇති. සමහර ඒවා ඇති මේක ෆිල්ම් එකක් විදිහට කරානං ලෙසටම හිට් වෙයි කියලා හිතුන.

හොදයි. දැං කරන්න තියෙන්නේ මෙච්චරයි. 

thariyage.keruwawa@gmail.com කියන මගේ ඊ ගබඩාවට හරි, ෆේස්බුක් එකේ මගේ ගිනුමට හරි ඔබට හොදයි කියලා ඒ හිතුනු අදහස කෙටියෙන් දල සැලැස්මක් විදිහට එවන්න. 

ඒක නාට්‍ය පිටපත නෙමෙයි, නමුත්  ඒක තමයි මූලික පියවර.

මේක නොතේරුන කෙනෙක් ඉන්නවනං ඒ අයටත් ඉහත මම කියපු ක්‍රම වලින් මගෙං ඒ ගැන දැන ගන්න පුළුවං.

අපේ මේ කර්තව්‍ය සාර්ථක කර ගන්න අපිත් එක්ක එකතු වෙලා ඉන්නවා ජ්‍යෙෂ්ඨ මාධ්‍යවේදී හා ප්‍රවීන පිටපත් රචක, චිත්‍රපට අධ්‍යක්ෂක, සිනමා නළු වේහැල්ලේ පියතිලක මහත්මා.

වේහැල්ලේ පියතිලකයන්

මේ ලැබෙන සියලුම අදහස් අපි එතුමාට පෙන්වලා ඒ අදහස් වල වෙනස් විය යුතු තැන් වගේ දේවල් දැනගෙන ඒවා අපි ඕගොල්ලන්ට දැන ගන්න සලස්වනවා.

ඊටපස්සෙ වෙන දේවල් ටික එතකොට කියන්නං.

එහෙනං කට්ටිය පිටපත් රචනෙට යොමු වෙමු ඈ...

ආයේ දෙපාරක් හිතන්න නෑ.. එකතු වෙන්න අපිත් එක්ක වෙනසකට මුලපුරන්න..

හරි පණිවිඩය ඉවරයි.

අද ආවේ චිත්‍ර කතාවක් දෙන්නනේ.

චිත්‍ර කතාවේ නම අවජාතකයා. 

සිත්තම් අනුර ශ්‍රීනාත්.

චිත්‍ර කතාවේ තියෙනවා වගේ පොඩි සිද්ධියක් හොදටම ඇති හොද නිර්මාණයක් සදහා. චිත්‍ර කතාව බලලම ඒ ගැන හිතන්නකෝ. සමාජයට කොච්චර ලොකු දෙයක් අපිට දෙන්න පුළුවංද කියලා.

විශේෂ ස්තූතියි - 

චිත්‍ර කතාව ලබාදුන් අනුර ශ්‍රීනාත් මහත්මාගේ දියනිය මා හිත මිත්‍ර පියුමි මලවිආරච්චි මෙනෙවියට!!!!!!

බුකි කමෙන්ට් කරුවන් සදහාමයි