I am a ප්‍රිෆෙක්ට්!!!!!!!!

උදෑසන රාජකාරී සදහා ශිෂ්‍ය නායකයෙකු අවම වශයෙන් උදෑසන 6ටවත් පාසලට වාර්ථා කල යුතුය. එසේ නොමැතිනම් ඔහුට සොරි වන්නේ නිතැතිනි.

චන්ඩි නොන්ඩි කෙරූ මගේ බැජ...

උදෑසන පිබිදීම පියවර කීපයකි. මුලින්ම 4යි 30ට එලාම් එක නාද වේ. 

ඉන් විනාඩි 15කට පසු අම්මා පැමිණ

• “ලොකු පුතා නැගිටින්න“ ලෙස ඇහැරවයි. ඉන් විනාඩි 5කට පසු,
• “ලොකු පුතා ඉස්කෝලෙ යන්නැද්ද“ අසයි ඊටත් පසු, 
• “ලොකු පුතා නැගිටපං යකෝ“ ලෙස ආදරණීයව අපේ අම්මා මාව ඇහැරුවේ 

නැත්තං උදේට මම නැගිටිනවා බොරුය. ඒ මගේ කම්මැලි කම නිසා නොම නිසාචර සත්ත්ව ඝණයට මා අයත් වන බැවිනි.

(නිසාචරයෝ උදේට සංචරණය නොකරන බව ඔබ සියලු දෙනා දන්නේ යැයි සිතමි)

ශිෂ්‍ය නායකයෙක් නෙමේ නායකයංගේ නායකයෙක් උනත් පරණ පුරුදු අතාරින්න බැරි බව පරණ පඬිවරු පවා දැන සිටියේය. එය රාවන සමයෙහි පටන් තිබූවක්දැයි මම නොදනිමි. ඇතැම්විට මීවනපලානයන් මෙය දන්නවා ඇත. 

කෙසේ හෝ වේලාසන නැගිට්ටත් පරක්කු වෙලා නැගිට්ටත් ඇඳුම් මැද සූදානම් කිරීම මා අතින් සිදුවන්නේ උදේටය. මේ සිදුවීම සිදුවූයේ උදෑසන 5 පසුවී විනාඩි 30කට පසු ඇහැරුනු දිනයකදීය. විනාඩි 15ක් බාත්රූම් වතාවත් වල නියැලුනු මා ඇඳුම් මැදීම සදහා යොමු වන විට අදනම් කෙලවෙන බව නොදැන සිටියාම නොවේ.

කෙසේ හෝ කඩිමුඩියේ අඳුම් පැලැදුම් හැද පැලැද පොත් 4ක් 5ක් මල්ලෙත් ඔබාගෙන පාරට පිවිසියේ 5යි 50හේ කෝච්චිය අල්ලා ගැනීමටයි. බස් රථයෙන් බැසගත් වහාම ස්ටේෂම වෙත උසේන් බෝල්ට්ට සමාන වේගයකින් දිව ගියේ කෝච්චිය මිස් උනොත් අංස දෙකකිං වන පාඩුව දැරිය නොහැකි බැවිනි.

1 පාසලට පරක්කු වී ගොස් ජ්‍යෙශ්ඨයින්ගෙන් ගුටි කෑමට වීම පාඩුවකි.

2 අනිත් අංසය පහල අවස්ථාවක සදහන් කර ඇත...

මෙතැං පටං සාමාන්‍ය සිංහලෙං.........

කැලණිය ස්ටේසම.. (දැන්නං මීට වඩා වෙනස්)

ඉතිං කෝම හරි මං දන්න සෙල්ලං ඔක්කොම දාලා ස්ටේසමට දුවලා අද්දන කෝච්චියේ පුට් බෝඩ් එකේ එල්ලුනා ඈ..

දැං බලනවා ඇති ටිකට් ගන්නැද්ද කීලා.. එවුවා ඕන්නෑ.. මොකෝ අපි සීසන් කොල්ලො.. 

(සීසන් ගන්නැති උනත් කෝච්චියේ යන පාසල් ශිෂ්‍යයෝ සීසන්, ඒ තරමට ටික්කො ටිකට් චෙක් කරනවා)

එක්කො ටිකට්

නැත්තං සීසන්, එහෙමත් නැත්තං හොරෙං

කෝම හරි එල්ලිච්ච ගමං මම එහෙ මෙහෙ ඔලුව දදා බැලුවා... ම්හ්ම්.. මේ පෙට්ටියෙනං නෑ වගේ.. ඒනිසා දෙමටගොඩටම යනකං පරිසරයේ සුන්දරත්වය විදින්න තීරණය කලා. 

ඒ උනාට මට අමුත්තක් දැනුනා.. වෙනදට වඩා කාන්තා පාර්සවය ඒමත් නැත්තං බාලිකාවියන් ඉස්සිලා හොරෙං බලනවා ගස්සලා නුවන්... මටත් ඉතිං පුල් හැපි.. මාත් ඉතිං සුන්දර නිහතමානී ද මැල් වගේ නිසා ඒ අයට සිනහවකිං සංග්‍රහ කලා ඒ සෑම වතාවකම. අපරාදේ කියන්න බෑ ඒ ළමයි ටිකත් අතිං කට වහං ලස්සනට විනීත විදිහට හිනා වෙනවා. ඊට පස්සෙ මොනාදෝ මන්දා කුටු කුටු ගානවා.

ඔහොම ඔහොම දෙමටගොඩටත් ආවා. ඉතිං මං පෙට්ටියක් පෙට්ටියක් ගානේ සර්ච් කර කර එනකොට හම්බඋනා ඒ පෙට්ටිය. (කෝච්චි හරි..)

මගේ බුදු පිට් එක රුවිනා ඇතුලු ඒකිගේ වාචාල හැකර කෙල්ලො ටිකත් එයාගේ හොදම යාළුවා සහ මගේ කෝචිචි ක්‍රෂ් එක වේයංගොඩ නෙත්මිත් ඒ අතර විය. (මාධ්‍යට මේ පිලිබදව එලි කරන ප්‍රථම වතාව) මේ තමයි අර දෙවනි සාධකේ. (තරියා පැනියා ලෙස නොසිතන්න.)

දෙමටගොඩින් අනිත් ගෝතමී කෙල්ලො බැස්සත් කවදාවත් රුවිනා බැස්සේ නෑ. ඒකට හේතුව පස්සෙ දවසක කීන්නං.

මේමත් හිනා උනා සමහර උං

කෝච්චිය අද්දන්න ගත්තා විතරයි මෙන්න රුවිනගෙ හැකරියෝ ටික කොක් හඬලා සිනා සෙන්න උනා. (මුංට විලිසංගයක් නැත) කෝච්චියේම අය මුං දිහා හෝන්දු මාන්දු වෙලා හිටියා. 

අංකල්ලා, අයියලා, මල්ලිලා ඔවුන් දිහා බලා සිනාසුනු අතර ඇන්ටිලා,අක්කලා,නංගිලා උංව පුච්චා දවා අළු කරන බැල්මක් හෙලුවා. 

(දැක්කනේ කාන්තා පිරිමි වෙනස)

මටත් මොකෝ ඉතිං මාත් හිනා උනා. ඉස්සෙල්ලා වගේමයි මුං ටිකත් කුටු කුටු ගානවා, ආයේ හිනා වෙනවා. කවදාවත් නැතුව නෙත්මිත් මං දිහා බලලා ආයේ බිම බලං හිනා වෙනවා.

දැං නං මට හෙන හැපි ඈ.. ඒත් රුවිනා විතරක් මගේ දිහා බලං ඇස් එහෙට්ට මෙහෙට්ට කර කර මොකක්ද කියන්න හදනවා. මට ඔය මලමඟුල් තේරෙනවයැ. මමත් හිනා වෙවීම ගියා

අපේ බලකොටුව!!!!!!!

කෝම කෝම හරි මරදාන ස්ටේසමෙං බහිනකොට රුවිනා මං හිටපු පැත්තට දුවගෙන දුවගෙන ආවා. මං හිතුවා මාස ගානක මහන්සිය මල් ඵල ගැන්විලා වැඩේ ගොඩවත් වෙලා කියලා. 

මෙතනදි තමා රුවිනා මට කතා කලේ

රුවිනා මං ගාවට ඇවිත් ආයේ උංගෙ සෙට් එක දිහා බැලුවා, උං ටික ආයේ හිනා වෙනවා.

ඊට පස්සෙ අපි දෙන්නා අතර ඇති වෙච්ච සංවාදයයි මේ.

රුවිනා - ඒ මේ තරී.

මං තරියා - ඇයි මචං?? වැඩේ ගොඩවත්ද????

රුවිනා - මොන වැඩේද?????

මං තරියා - ඇයි නෙත්මි හිනා උනේ...

රුවිනා - පිස්සුද මැටි පූසෝ????

මං තරියා - එහෙනං යක්සනියේ????

රුවිනා - බලනවා ඔයා නිසා මටයි නෙත්මිටයි තමා නෝන්ඩිය. දැං ඕක ඇති ඒ ලෙවල් ඉවර වෙනකංම ඔයාව බයිට් එකට ගන්න...

මං තරියා - මොකක්ද??? කියන දෙයක් තේරෙන්න කියනවකෝ.... ඇයි අරුං අර හිනා වෙන්නේ?????

රුවිනා - සිප් එක ඇරිලා මෝඩයෝ... ඒකයි හිනා වෙන්නේ..

මං තරියා - හුටා.. අනේ දෙයියනේ........

දෙයියනේ නම්බුව?????

ඔන්න ඕකලු උනේ...

සිදුවීමෙන් පසු සෑම උදෑසනකම එය චෙක් කෙරුනු අතර අරුංගේ කාන්තා බල ඇනියෙන් එකෙක් හෝ අදද සෙට් උනු විට සිප් කේස් එක ෆයිල් වෙයි.

ප.ලි - පාසල් සිසුන් හා කලිසං අදින සැමට... ගෙදරිං පිට වීමට ප්‍රථම සිප් නිමිත්ත පරික්ෂා කර බලන්න. එය ඔබව දිගුකාලීන බයිට් වලිං ආරක්ෂා කරයි!!!!!!

බුකි කමෙන්ට් කරුවන් සදහාමයි