ටුවෙන්ටි ටුවෙන්ටි බලන්න යනවනං මේ ටිකත් දැනගෙන යන්න...

කට්ටිය දන්නවනේ මේ පාර 20යි විස්ස ලෝක කුසලානය තියෙන්නේ ලංකාවේ. යන්නත් සමහර අය අදහස් කරගෙන ඇති. නමුත් මේ පාර ක්‍රමේ ටිකක් වෙනස් මැච් බලන්න තියෙන. 

මුල ඉදංම බලමු මොනාද  මේ වෙනස්කම් කියලා..

ලංකාව ලෝක කුසලාන තරගාවලියක සම්පූර්ණ සත්කාරකත්වය දරන පලමු අවස්ථාව මේක. ඉතිං සංවිධායකයන්ට මේක ලොකු දෙයක්. කොටිංම කිවුවොත් ලංකා ඉතිහාසේ මෙතෙක් පවත්වන ලොකුම තරගාවලිය. 

මේකට සහභාගි වෙන්න රටවල් ගනනාවක කන්ඩායම් සහභාගි වෙනවා. පිරිමි කන්ඩායම් වගේම ගැහැනු ක්‍රිකට් කන්ඩාම් කීපයකුත් මේ සදහා සැදී පැහැදිලා බැට් උරුක් කරං ඉන්නවා කියලයි ආරංචිය. මොකද දෙපාර්ශවයේම ක්‍රීඩා තරග පැවැත්වෙන්නේ එකට. 

මෙන්න කාලසටහන

 

පිරිමි ක්‍රිකට් තරගය එහෙමත් නැත්තං ප්‍රධාන ක්‍රීඩා තරග ක්‍රීඩාංගන තුනකදී පැවැත්වෙනවා. ඒ 

• කොළඹ කෙත්තාරාම ක්‍රීඩාංගනය, 
• මහනුවර පල්ලෙකැලේ ක්‍රීඩාංගනය හා 
• හම්බන්තොට සූරියවැව ක්‍රීඩාංගනය යන ක්‍රීඩාංගන තුනේදීයි. 

ගැහැනු කණ්ඩායම් වල ක්‍රිකට් තරග පැවැත්වෙන්නේ ගාල්ල ජාත්‍යන්තර ක්‍රීඩාංගනයේ විතරයි.

හරි.. මැච් එක බලන්න නිකං යන්න බෑ.. ටිකට් ගන්න  ඕනා.. නිකං යන්න එක ක්‍රමයක් තියෙනවා.. ඒකටත් පෙප්සි එකත් එක්ක මොකක්ද හුට්ටප්පරයක් කර ගන්න ඕනා..

දැනටමත් ටිකට් ඇති ගත්ත අය ගාව. 

මේ පාර ටිකට් ඉෂූ කරලා තියෙන්නේ අයි.සී.සී එකෙංමයි. ඒ වගේම තමයි හොදට ටිකට් එක බැලුවොත් ඒකෙ ආරක්ෂක උපක්‍රම කීපයක්ම බලාගන්න පුළුවං. 

ඔන්න ඔය උපක්‍රම ටික භාවිතා කරලා තමා ටිකට් එක හොරට ප්‍රින්ට් කරපු එකක්ද නැත්තං ඔරිම ජිනල් එකක්ද කියලා හොයා ගන්නේ. කීපයක් මං කියන්නං අනිත් එවුවා ටික කියන්න තහනං. 

ටිකට් එකේ තියෙනවා ඉස්සරහම මේ පාර ටී ටුවෙන්ටියේ ලාන්ඡනේ. අන්න ඒක  දිලිසෙනවා. බලන්න ටිකට් එක නිකං මොකක්ද වගේ දිලිසෙනවා නේ?????  දිලිසෙන්නැත්තං සොරි තමා ඕක හොර ටිකට් එකක්. ග්‍රවුන්ඩ් එකට ගිහිං චොර වෙනවට වඩා හොදා ගෙදර ඉන්න එක. 

අනිත් එක තමා කාණ්ඩ අංකය. ඒක ටිකට් එකෙං ටිකට් එකට වෙනස්. 

ඔය ක්‍රම දෙක විතරයි කියන්න පුළුවං. අනිත්  එවුවා රහස් ඈ..

ටිකට් එකේ තියෙන විස්තර ටික ටිකක් හොදට බැලුවොත් පේන්න ඇති සීට් නම්බර් කියලා එකක්. මොකක්ද යකෝ මේ සීට් නම්බර් සීන් එක කියලා කෙනෙක්ට හිතෙන්න පුළුවං. ඒක මේ පාර ටූනමන්ට් එකට ඇඩ් කරපු ගොං ආතල් එකක්. ඔය සීට් නම්බර් බාර් එකේ රෝ නම්බර් එකයි සීට් නම්බර් එක කියලයි දෙකක් තීනවා. ඒ ස්ථානය සොයාගැනීමේ පහසුවට. නම්බර් එක තියෙන සීට් එකේ විතරයි වාඩි වෙන්න පුළුවං. වෙන සීට් එකක වාඩි වෙලා හිටියොත් කාර්යමණ්ඩලයේ ඕනෑම කෙනෙකුට හරි ආරක්ෂක අංශයේ මහතෙකුට හෝ මහත්මියෙකුට පියවර කීපයක් ගන්න පුළුවං.

1. හොදින් සරලව වටහලා දීම..
2. සීට් එක මාරු කර ගන්නම ඕන්නං ක්‍රමය කියලා දීම..
3. ඒත් බැරිනං කනෙං අල්ලලා එලියට දාන එක..

අපි හිතමු පවුලක් යනවා. අම්මයි තාත්තයි දුවයි. අම්මයි තාත්තයි එක ලග සීට් දෙකකට වැටිලා දුව ටිකක් දුර සීට් එකකට සෙට් උනා කියමු. වැඩේ දෙල්නේ.. ඉතිං එතකොට පුළුවං එක්කො අම්මලා ගාව ඉන්න අයගෙං හරි දුව ගාව සීට් එකේ ඉන්න අයගෙං හරි සුහදව තමංගෙ තැන සහ අර කියපු තැන් හුවමාරු කර ගන්න.. 

එහෙම නැතුව බයි ෆෝස් එකෙං සද්ද බද්ද දාලා ගෝරිදාං කචල් බචල් දාං සීට් අල්ලන්න හැදුවොත් නෝ මැච් කෙලිංම කූඩුවෙ තමා..

එච්චරයි ටිකට් ගැන කියන්න තියෙන්නේ මයේ හිතේ.. ආ නෑ.. තව තීනවා..

ටිකට් එකේ ගහලා තියෙනවා තමං ඉන්නේ මොන බ්ලොක් එකේද කියලා..

(මේ කොටස් කෙත්තාරාම ක්‍රීඩාංගණයට අදාලව පමණි)

• A upper, B upper, C upper, D upper
• A lower, B lower, C lower, D lower
• VIP, VVIP, Grand Stand ඔන්න ඔය වගේ තියෙනවා සෙක්ෂන්ස්..

ඉතිං නිතරම තමංට හිමි සෙක්ෂන් එකේ ඉන්න වගබලා ගන්න ඕනා. බැරිවෙලාවත් පිට ගිහිං ආවොත් ඇතුලට ගන්නෑ කවුරු කිවුවත්...

අනිත් එක තමා එක දවසේ මැච් දෙකක් ගහන දවස් තියෙනවා. ඒ දවස් වලට මැච් දෙකම බලන්න පුළුවං ටිකට් වගයක් ඉෂූ කරලා තියෙනවා. ඒ ටිකට් වලිං මැච් බලන අයටයි මේ කියන්නේ. එක මැච් එකක් ඉවර වෙලා අනික පටං ගන්නකං එලියට (ක්‍රීඩාංගනයේ ඇතුලත පමණයි) ගිහිං එන්න ඕන්නං ඒ සෙක්ෂන් එක භාරව ඉන්න නිලධාරීන්ට දන්වන්න. 

ඒ අය පොඩි බ්‍රේස්ලට් එකක් දානවා ඕගොල්ලංගේ අතට. ඒක දැම්මොත් දැම්මා තමා. ගලවන්න හැදුවොත් කැඩෙනවා. ඉතිං ඔය බ්‍රේස්ලට් එක පරිස්සං කර ගෙන යන තැනක යන්න. බැරිවෙලාවත් කැඩුනොත් ආයේ ඇතුලට ගන්නෑ. ඒකත් ආරක්ෂක පියවරක් හැටියට තමා හැදින්වෙන්නේ.

ටිකට් වලට අදාල අන්තිම එක තමා වාහන. රථවාහන නවතාතැබීමේ ස්ථාන තියෙන්නේ ඉතා සීමිත ප්‍රමාණයක් විතරයි. ඉතිං වාහනේක යන්න හිතං ඉන්නවනං ඒ සදහා ඉඩපහසුකම් සපයන ටිකට් පතක් මිලදී ගන්න වෙයි. මොකෝ නැත්තං වාහනේ පාක් කරගන්න බැරුව පැය ගානක් කැරකි කැරකි ඉන්න වෙයි මැච් බැලිලි පැත්තක තියලා.

හරි. ටිකට් කතා ඉවරයි. දැං බලමු ගෙනියන්න පුළුවං සහ ගෙනියන්න බැරි බඩු මොනාද කියලා..

පිහි, කතුරු, ඇන, නියං වගේ උල් ආයුධ අරං යන්න එපා.. හරිද..

ඊටපස්සෙ ඔය නලා අනං මනං අරං යන්නත් එපා. දැං එවුවා ගෙනියන්න දෙන්නෑ..

කොඩියක් ගෙනියනවනං ප්ලාස්ටික් බටයක් යොදපු කොඩියක් ගෙනියන්න. ලී එවුවා ගෙනියන්න දෙන එකක් නෑ මයෙ හිතේ.. මේකනං කොහොම වෙයිද දන්නෑ.. ගෙනියන්න දෙන්නෑ කියලා තියෙන්නේ. ඒත් පොලීසියෙ අයනේ චෙක් කරන්නේ. ඉතිං සමහර විට ඒගොල්ලං හිතලා බලලා ගෙනියන්න දෙයි.

තව ඉතිං ගෙනියනවනං ගෙනනියන්නේ කෑම බීමනේ...

කෑම එච්චරම අවුලක් නැතත් බීමනං ගොඩක් ප්‍රශ්ණ ඇති කරනවා..

 

ඔය දෙයියන්ට ගහන එවුවා එතකොට බල්ලන්ට ගහන එවුවා එහෙම බොන්න බලාපොරොත්තුවෙං ඉන්න අයට කියන්නේ.. ඇතුලට බියර් එකක්වත් ගෙනියන්න දෙන්නෑ.. සිගරට් පවා ශුවර් නෑ.. ඉතිං ගෙනියන්න එපා.. 

හැබැයි ඇතුලෙනං බියර් තියෙනවා විකුණන්න. ගාන දන්නෑ.. ඉතිං ගෙනිහිල්ලා චාටර් වෙන්න ඕන්නෑනේ... සල්ලි අරං ගිහිං බොනවනං ඇතුලෙන්ම බොන්ඩලා..

 

එතකොට සිසිල් පැන් අරං ගියාට ප්‍රශ්නයක් නෑ කියලා හිතනවනං ඒක වැරදියි. සිසිල් පැන් නැත්තං පැනි බීම වලිනුත් ගෙනියන්න පුළුවං බ්‍රෑන්ඩ් තියෙනවා.. 

තරගාවලිය පුරාවටම කොකා කෝලා කියන්නේ තහනං වචනයක්. මොකද ස්පොන්සර් කරන්නේ පෙප්සි. ඉතිං ගෙනියනවනං පෙප්සි බෝතලයක් අරං යන්න. ඒකත් ඇතුලට ගනිද්දි ආරක්ෂක අංශයේ අයට සැකහිතුනොත් වෙන වෙන ජාති කවලං කියලා ඒක ඒගොල්ලංගෙ භාරයට ගන්නවා. ආයේ රිටන් නෑ... 

ඔය අනං මනං ගෙනියනවට වඩා හොදා හොද ලොකු වතුර බෝතල් දෙක තුනක් අරං යන එක. කවුරුත් මොනවත් කියන්නෙ නෑ නේ.. මොකද නැත්තං ඇතුලෙ වතුර බොන්නනං ඒකත් සල්ලි දීලා ගන්න ඕනා.. අපරාදෙනේ සල්ලි...

හරි තව බලමු හැසිරීම ගැන...

මේ පාර නීති තදයි කිවුවනේ.. 

විශේෂයෙන් අහල පහල ඉන්න අයට කරදයක් කියලා හිතුනොත් ඒ අයට කම්ප්ලේන් කරන්න පුළුවං. එහෙම උනොත් ඉතිං ග්‍රවුන්ඩ් එකෙං දොට්ට තමා. මොකද ආරක්ෂක අංශෙට මේ පාර දානවා කිවුවේ දෙකේ හතරෙ පොරවල්...

හදිසි අවස්ථාවක් ඇති උනොත් ගාල කඩාගත්තු හරක් ටිකක් වගේ දුවන්න එපා.. නිලධාරීන් දැනුවත් කරයි කරන්න ඕන දේ.. අන්න ඒ විදිහට ක්‍රියා කලොත් පණ බේරං එන්න පුළුවං. මොකද ඒ අයව පුහුනු කරලා තියෙන්නේ එවුවා සම්බන්ධව ලොකු පුහුනුවක් දීලා..

සැමවිටම සන්සුන්ව මහත්මයෙක් ලෙස මහත්මා ගුණ දක්වා හැසිරෙන්න. 

නිලධාරීන් සමග ගැටුම් ඇති කර ගන්න එපා (විශේෂයෙන් අපි වගේ අහිංසකයොත් එක්ක). ඔවුන් ඔබට ඉහල ගුණාත්මකත්වයකින් යුතු සේවයක් ලබා දීමට ඇප කැප වී සිටිනවා..

විශේෂයෙන් මං හිතන ආකාරයට මේ පාර සීට් වලට ලොකු ලොකු කේස් යයි. 

ඒ ඒ අවස්ථාවන් වලදී අර කිවුවා වගේ ප්‍රියමනාප වචනෙන් සන්සුන්ව කතා කිරීමෙන් තමංගෙ වැඩෙත් ගොඩ දාගෙන අහල පහල අයගේ හොද හිත දිනාගෙනම මැච්  එක සතුටින් බලන්න පුළුවං. මොකටද නිකං වැඩි වැඩ දාන්න ගිහිං කූරු ගනින්නේ..

දැං කට්ටිය බලනවා ඇති මේ යකා මේ මගුල් කියවන්නේ දැනගෙනද කියලා..
උත්තරේ යෑෂ්.. 

නිකං ඉන්න නිසා මේ පාර මමයි කස්සයි කස්සගෙ මල්ලි සුප්පයි ගියා ස්වෙච්චා  සේවයට.. 

ස්වෙච්චා කිවුවට හෙන ගේමක් දෙන්න ඕනා රාජකාරියක්.. ඔන්න ඕකෙදි තමා මට තරුවවත් හම්බඋනේ. මිනිහත් ඇවිල්ලා හිටියා රාජකාරියට බැදෙන්න ඕං..

දැං කට්ටිය එන්න එපා ඇතුලට පන්නපං අනං මනං කියාගෙන. අපිට දුන්න code of conduct එකේ මුලිංම ටොම්බා සයිස් එකෙං තියෙන්නේ එකෙක්වත් ඇතුලට ගන්න එපා තෝවත් එලියට දානවා කියලා..

කෙත්තාරාමේ මැච් බලන්න එන අයට සීට් පිලිබද ප්‍රශ්ණයක් ආවොත් අපේ තරුවව හම්බවෙලා ඒ ගැටලුව නිරාකරණය කර ගන්න පුළුවං. මොකද මිනිහා ඉන්නේ ඒ සෙක්ෂන් එකේ..

එතකොට මම ඉන්නේ ලොජිස්ටික් සෙක්ෂන් එකේ.. කෑම බීම පිලිබද ප්‍රශ්ණ, ක්‍රීඩකයංගේ බීම වර්ග පිලිබදව තමා මං වගකියන්නේ සහ වැඩ කරන්නේ.. ඉතිං මාව හම්බවෙන එකක් නෑ.. හැබැයි අර පෙප්සි ඩගවුට් එකේ කවුරු හරි ඉන්නවනං මාව හම්බවෙන්න පුළුවං වෙයි... මොකද බොහෝවිට මං ග්‍රවුන්ඩ් එක ඇතුලේ ඉදී..

 

කස්සා සහ සුප්පා ඉන්නේ වී.අයි.පී බොක්ස් වල ඇමතිලා සහ ක්‍රීඩකයන්ගේ බිරින්දෑවරුන් එක්කලු... උං ලොකු සයිස්ලු ඈ..

එහෙනං අපි බලාපොරොත්තු වෙනවා කට්ටිය ඇවිල්ලා ලංකාවේ කොල්ලො ටිකට චියර් කරලා මොරාල් අප් කරලා ගනී කියලා. 

මේ කිවුව විදිහට වැඩ කරලා ගේමක් නැතුව මැච් එක බලලා සතුටින් විසිර යන්න ලැබේවායි කියලා එක සිතක් නැතත් සියලුම සිත් වලින් ප්‍රාර්ථනා කරනවා!!!!!!

ජයවේවා!!!!!!!!!!!!!!!

(අම්මටසිරි අපිට මෙවුවා ගැන බ්ලොග් වල දාන්න එපා කිවුවා නේද??????) 

බුකි කමෙන්ට් කරුවන් සදහාමයි